Jerónimo de Mendoza Galavís

O Uicipeid
Gearr leum gu: seòladh, lorg

Jerónimo de Mendoza Galavís

Flag of the Gran Colombia.svg

Ainm na Dùthcha Flag of the Gran Colombia (1819-1820).svg Coloimbia Mhòr
Teirm 28mh an Giblean 1831 gu 3mh an Cèitean 1831
Ro-Theachdaire Rafael Urdaneta
Neach-Ionlaid Domingo Caycedo Santamaría
Pàrtaidh
Ceann-Là Bhreithe 11mh an Gearran 1773
Àite Bhreithe Bogotá Cundinamarca
Ceann-Là a Bhàis 17mh an t-Sultain 1839
Àite a Bhàis Bogotá Cundinamarca
Bean/Fear-Chèile 1) Inés Morales Fernández 2) Manuela Tenorio Santacruz
Creideamh Caitligeach
Dreuchdan seirbheiseach poblach

B’ e Jerónimo De Mendoza Galavís (Bogotá, 11mh an Gearran de 1773 - Bogotá, 17 an t-Sultain 1839). Fear-poileataigs à Coloimbia,[1] a bha na cheann-suidhe na dùthcha bho 28mh an Giblean 1831 gu ruige 2 an Cèitean 1839 mar cheann-suidhe eadarach rè a’ chinneas aig Domingo Caycedo Santamaría.[2]

Beatha[deasaich | deasaich an tùs]

‘ S e a’ chiad mhac dhen darna pòsadh a fhuair an Spàinnteach Jerónimo de Mendoza Hurtado, còmhla ri María Josefa Galavís Hurtado, a bh’ann.

Fhuair e a chuid fhoghlaim aig an sgoil San Bartolomé. Thoisich e a dh’obair mar Riaghailtear a’ Phuist ann an Santafé (Bogotá an latha an-diugh), ann uair sin na Riaghailtear na Alcabalas (cìs dhe 10% air bàthair) ann an Girón, na bhreitheamh na deicheamhan (cìsean na h-eaglaise) ann an Roinn Vélez agus riaghladair a’ Chomhairle ann an Santafé ann an 1808 cuideachd.

Toiseach toisichidh anns a’ phoileataigs[deasaich | deasaich an tùs]

Bha e an sàs anns na tachartasan dhen 20mh an t-Iuchar 1810 agus chuir e ainm gu Achd na Neo-Eisimeileachd. Bha e na bhall Àrd Bhuideann Riaghaidh an Riaghaltais, Riaghailtear a’ Phuist ann an 1811. Chaidh e a thaghadh dhan Chomataidh Sgrùdaidh an Achd Feadarail dhe 1812, airson Caquetá. Fhuair e dìteadh phrìosain bhon an Riaghaltas Spàinnteach nuair a bha an dùthaich air ais fo bhuaidh na Spàinne. An dèidh sin bha e na Cheannard Coitcheann a’ Mhaoineachadh, Àrd-Eòlaiche-Cunntasan aig Cùirt na Cunntasan, Riochdaire Coitcheann a’ Mhaoineachadh (ann an Roinn a’ Phuist), riochdaire aig a’ Mhòr-dhail agus na bhall airson Bhogotá aig a’ Cho-Chruinneachadh Spaideal dhe 1830. ‘ S e Rùnaire a’ Mhaoineachaidh fon Sheanailear Rafael Urdaneta, Eòlaiche-Cunntasan agus Riochdaire an Taighe-Cùinnidh a bh’ann cuideachd.

Ceann-suidhe Choloimbia[deasaich | deasaich an tùs]

Nuair a leig an ceann-suidhe Urdaneta a dreuchd, chaidh e a dh’ainmeachadh na cheann-suidhe eadarach na dùthcha, ris an canar Coloimbia Mhòr a-nis, an àite an leas ceann-suidhe Domingo Caycedo Santamaría.

Teaghlach[deasaich | deasaich an tùs]

Phòs e Inés Morales Fernández, agus an uair sin Manuela Tenorio Santacruz. Cha d’ fhuair e clann ach bhon a’ chiad pòsadh aige: Julián, José María, Marcelino, María Josefa agus Lorenzo De Mendoza Morales.

Iomraidhean[deasaich | deasaich an tùs]

  1. Dùthchannan aig SMO
  2. Leabharlann Luís Angel Arango