Manuel María Ramírez Fortoul

O Uicipeid
Gearr leum gu: seòladh, lorg

Manuel María Ramírez Fortoul

Flag of Colombia.svg

Ainm na Dùthcha Flag of Colombia.svg Stàitean Aonaichte Choloimbia
Teirm 22mh an Dùbhlachd 1877 gu 24mh an Dùbhlachd 1877
Ro-Theachdaire Aquileo Parra Gómez
Neach-Ionlaid Aquileo Parra Gómez
Pàrtaidh Pàrtaidh Libearalach Choloimbia
Ceann-Là Bhreithe 5mh an Cèitean 1817
Àite Bhreithe Arauca (baile) Arauca (Roinn)
Ceann-Là a Bhàis 3mh an Cèitean 1891
Àite a Bhàis Bogotá Cundinamarca
Bean/Fear-Chèile Teresa Monreal Roth
Creideamh Caitligeach
Dreuchdan fear-lagha

B’ e Manuel María Ramírez Fortoul (Arauca, 5mh an Cèitean 1817 - Bogotá, 3 an Cèitean 1891) fear-lagha agus fear-poileataigs à Coloimbia,[1] a bha na Cheann-suidhe Choloimbia bho 22mh an Dùbhlachd 1877 gu ruige 24mh an Dùbhlachd 1877 mar neach-ainmichte, fhad ‘s a bha an Ceann-suidhe Aquileo Parra Gómez air dhìth.[2][3]

Beatha[deasaich | deasaich an tùs]

‘S e mac an leas còrnailear Antonio María Ramírez agus Dolores Fortoul Jaimes, ogha Pierre Fortoul, duine às an fhraing a leig an sloinneadh sin ann an Coloimbia, a bh’ann. Fhuair e a chuid fhoghlaim aig bun-sgoiltean ann am Bogotá agus Cúcuta, agus an uair sin aig an àrd-sgoil roinneil ann an Guanentá agus mu dheireadh thall dh’ionnsaich e lagh aig a’ Cholaiste San Bartolomé.

Toiseach tòisichidh anns a’ phoileataigs[deasaich | deasaich an tùs]

‘S e ball Mòr-dhail Bun-Reachdail na Roinne Shantander (1851) agus a’ Mhòr-dhail Nàiseanta (1852 - 1853) a bh’ann. An uair sin bha e na fhear-riaghlaidh aig an Taigh-Cusbainn ann an Cúcuta: chaidh e air ais gus A' Bheiniseala nuair a chrìochnaich an dreuchd sin. Bha e na Bhreitheamh Coitcheann an Nàisein eadar 1 an Lùnasdal 1877 agus 15mh an t-Ògmhios 1878, agus fhad ‘s a bha e an sàs anns an dreuchd sin dh’iarr comhairle an riaghaltais gun tugadh e thairis ceannas na Poblachd air sàilleabh gu robh an dùthaich ann an suidheachadh gu math cugallach, leis nach robh fiù’s fear dhe na luchd-ainmichte (Julián Trujillo, Sergio Camargo agus Pablo Arosemena) anns a’ bhaile. Thug Ramírez an ceannas os làimh agus gu fortanach chaidh an t-òrdugh laghail a cur air bhog a-rithist ann dà latha a-mhàin, agus an uair sin thill an ceann-suidhe Parra air ais chun a’ chinneas.

Deireadh a bheatha[deasaich | deasaich an tùs]

Thill e dhan dreuchd mar fhear-riaghlaidh aig an Taigh-Cusbainn ann an Cúcuta agus ann an 1885 chaidh e a dh’ainmeachadh na chonsal Choloimbia ann an Trujillo. Ann an 1890 thill e gu Bogotá far an robh e an sàs anns an dreuchd aige airson greiseag mus do bhàsaich e ann an 1891.

Teaghlach[deasaich | deasaich an tùs]

Phòs e Teresa Monreal Roth ann an Trujillo 19mh an Gearran 1844. Fhuair iad dithis duine-chloinne ri chèile: Felipe agus Carlos Ramírez Monreal.

Iomraidhean[deasaich | deasaich an tùs]

  1. Dùthchannan aig SMO
  2. Presidencia de Colombia
  3. Leabharlann Luis Angel Arango

Ceanglaichean A-mach[deasaich | deasaich an tùs]

Pàrtaidh Libearalach Choloimbia (Spàinntis)