Diego Lemos

O Uicipeid
Gearr leum gu: seòladh, lorg

Diego Euclides de Angulo Lemos

Angueucl.jpg

Ainm na Dùthcha Flag of Colombia.svg Coloimbia
Teirm 9mh am Màrt 1908 gu 14mh an Giblean 1908
Ro-Theachdaire Rafael Reyes
Neach-Ionlaid Rafael Reyes
Pàrtaidh Pàrtaidh Tòraidh Choloimbia
Ceann-Là Bhreithe 12na an t-Samhain 1841
Àite Bhreithe Popayán (Cauca)
Ceann-Là a Bhàis 14mh an Gearran 1917
Àite a Bhàis Funza (Cundinamarca)
Bean/Fear-Chèile Adelaida Bucheli Valencia
Creideamh Caitligeach
Dreuchdan saighdear

B’ e Diego Euclides de Angulo Lemos (Popayán, 12 an t-Samhain 1841 - Funza, 14 an Gearran 1917) saighdear agus fear-poileataigs à Coloimbia, a bha na Cheann-suidhe Choloimbia bho 9mh am Màrt 1908 gu ruige 14mh an Giblean 1908 air sgàth gu robh an ceann-suidhe Rafael Reyes air dhìth greiseag.[1]

Beatha[deasaich | deasaich an tùs]

‘S e an treas dhe dusan chloinne a fhuair Miguel Wenceslao de Angulo Díaz del Castillo agus Antonia Lemos Largacha a bh’ann. Phòs e an baintighearna Adelaida Buchelli Valencia, nighean Serafín Buchelli Villota agus Dominga Valencia Quijano, à Pasto.

Na Shaighdear[deasaich | deasaich an tùs]

Thoisich e mar shaighdear ann an 1860, airson an Riaghaltas laghail a dhìon ann an cogadh sìobhalta ga thòiseachadh leis an t-Seanailear Mosquera a bha airson an Riaghaltas fhaighinn tro ainneart. Dh’fhàilnich iad ach fhuair esan fhèin mathanas-coitcheann agus lean e ann an airm na Stàitean Aonaichte Choloimbia.[2] Bha e an sàs ann an ruaig armachd ùr ann an 1876 agus b’ fheudar dhàsan a theiche gu Eacuador. An ath bhliadhna ann an Túquerres, thug e taic dhan ar-a-mach gun do chuir Antonio Borrero, an t-seann cheann-suidhe na h-Eacuador, air dòigh an aghaidh Riaghaltas na dùthcha airson a thilleadh dhan dhùthaich gus an cumhachd fhaighinn. Rinn e caismeachd tro Chumbal gu ruige Ibarra ach nuair a ràinig e agus na feachdan aige an t-àite ris an canar Quebrada Oscura, thug na feachdan aig a’ Chòrnaileir Rafael Arellano Del Hierro, Ceannard Roinnean an Tuatha, ionnsaigh orra agus chuir iad teicheadh orra gu ruige Panán far an do chuir e ruaig air. An dèidh sin, dhìon e an riaghaltas aig José María Plácido (1883 - 1888) ann an Eacuador.

Cùrsa-Beatha anns a’ Poileataigs[deasaich | deasaich an tùs]

Thill e a Choloimbia airson dreuchd fhaighinn mar fhiosgal aig Taigh na Cùirte ann am Pasto. Thoisich e anns an airm as ùr agus lorg e an rang dhe Seanailear 22 an Lùnasdal 1890. Bha e na chathairiche Mòr-dhail nan Riochdairean ann an 1898. Ghluais e gu Bogotá aig toiseach tòisichidh na 20mh linne airson am pàipear-naidheachd El Colombiano a chuir air bhog.

Ceann-suidhe Choloimbia[deasaich | deasaich an tùs]

Thug e air Ceannas na Poblachd 14 an Giblean 1908 oir bha an ceann-suidhe fhèin air dhìth airson greiseag. Fhad ‘s a bha e na dhreuchd dh’ainmich e Baldomero Sanín Cano mar leas ministear a’ Mhaoineachaidh, is dh’obair esan mar fho-rùnaire.

Iomraidhean[deasaich | deasaich an tùs]

  1. Leabharlann Luís Angel Arango
  2. Dùthchannan aig SMO