Miguel Abadía Méndez

O Uicipeid
Gearr leum gu: seòladh, lorg

Miguel Abadía Méndez

Miguel Abadía Méndez.jpg

Ainm na Dùthcha Flag of Colombia.svg Coloimbia
Teirm 7mh an Lùnasdal 1926 gu 7mh an Lùnasdal 1930
Ro-Theachdaire Pedro Nel Ospina Vásquez
Neach-Ionlaid Enrique Olaya Herrera
Pàrtaidh Pàrtaidh Tòraidh Choloimbia
Ceann-Là Bhreithe 5mh an t-Ògmhios 1867
Àite Bhreithe Piedras ( Tolima)
Ceann-Là a Bhàis 9mh an Cèitean 1947
Àite a Bhàis Fómeque ( Cundinamarca)
Bean/Fear-Chèile Leonor de Velasco Álvarez
Creideamh Caitligeach
Dreuchdan fear-lagha, daonnaire

B’ e Miguel Abadía Méndez (Piedras, Tolima, 5 an t-Ògmhios 1867 - La Unión - Fómeque, Cundinamarca, 15 an Cèitean 1947) fear-lagha, daonnaire agus fear-poileataigs à Coloimbia. Fhuair e a chuid fhoghlaim aig a’ Cholaiste Colegio Mayor de Nuestra Señora del Rosario ann am Bogotá. Bha e na cheann-suidhe na Poblachd, [1][2] reachdadair, bha e air a bhith os cionn seachd ministrealachdan, na Chomhairliche na Stàite agus na Bhreitheamh aig Àrd-chùirt A’ Cheartais. Mar Mhinistear an Riaghaltais (ministear na dùthcha agus a’ cheartais an latha an-diugh) stiùir esan an ath-leasachadh bun-reachdail dhe 1910 air a’ Bhun-Reachd dhe 1886. Riochdaich e an dùthaich ann an t-Sile, An Argantain agus Braisil[3].

Nuair a thug e a làmh air Ceannas na Poblachd airson an teirm eadar 1926 agus 1930 (bha esan an aon tagraiche a bh’ann agus fhuair e 370,611 bhòtaichean airson am Pàrtaidh Tòraidh)[4] rèitich e na crìochan mhara còmhla ri Niocaragua a’ cumail innis-mhuir San Andrés, Providencia agus Santa Catalina fo uachdaranas Choloimbia ach a’ toirt Costa de Mosquitos dìreach do Niocaragua; bhrosnaich e na h-obraichean poblach, am foghlam agus na miseanan chreidimh dha na Tùsanaich; Bha iomadh trioblaid poileataigeach, eaconamach agus sòisealta gu math doirbh roimhe, mar staing an eaconamaidh dhe 1929 agus Mort nam Bananeras ann an 1928[5], air brìgh na poileasaidhean aige ri piseach a dheànamh ann am fiachan eadar-nàiseanta na dùthcha, dhol an aghaidh toiseach tòisichidh na sòisealachd agus còmhstri anns an àiteachas a rèiteachadh le ceannsal: a bharrachd air buaidh phrìsean ìosal a’chofaidh air an dùthaich. Fhad ’s a bha e na cheann-suidhe steidhich e Co-nasgadh Nàiseanta Tuathanaich Cofaidh Choloimbia.

Mar eisimpleir dhe gràdh-dùthcha agus an dèidh 42 bliadhna na smachd Tòraidh, thug e an cumhachd seachad dhan ath cheann-suidhe agus a cho-chòmhragaiche poileataigeach Enrique Olaya Herrera ann an 1930.

Iomraidhean[deasaich | edit source]

  1. Presidencia de Colombia
  2. Leabharlann Luís Angel Arango
  3. Dùthchannan aig SMO
  4. Eachdraidh Choloimbia 1926-1930
  5. Eachdraidh Choloimbia 1926-1930