Fómeque

Fómeque Bratach a' bhaile Gearradh-arm no Seula
Mapa a' bhaile
Sealladh air a' bhaile
[[Image: |300px]]
Suidheachadh
Dùthaich	Coloimbia
Roinn	Cundinamarca
Sgìre	Sgìre an Ear
Àirde	1895m
Teodhachd	18˚
Co-chomharran	04' 29' 16' Tuath 73° 53' 51' Iar
Feartan fiosaigeach
Farsaingeachd	555 km²
Àireamh-shluaigh	12,157 (2005)
Dlùths	21.9/km²
Duilleag oifigeil	Comhairle a’ Bhaile

‘S e baile beag ann an Cundinamarca, Coloimbia, a th’ann Fómeque. Tha e suidhichte dìreach ann am meadhan na dùthcha aig 1,895m os cionn ìre na mara aig astar dhe 56km bho Bhogotá. ‘ S e baile le clìomaid carran fuar a th’ann Fómeque, agus tha teodhachd meadhanach dhe 18˚ aige. Chaidh am baile a steidheachadh ann an 1543.

Sluagh a' bhaile

Tha 12,157 nan tàmh anns a' bhaile fa leth, ach tha a’ mhòr-chuid dhuibh, 8,056, a’ fuireach thall anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Le sin, ‘s e pàtran àireimh-shluaigh gu math traidiseanta a th’ann an seo.

Taobh chinnidh, ' s e daoine geala/mestizos a th'ann a' mhòr-chuid dhe na daoine ann an Fómeque, ach tha 24.12% dhe daoine le freumhan ann an Afraga. ' S urrainn dhan 91.5% dhe na daoine ann an Fómeque leughadh agus sgrìobhadh. A tuilleadh air sin, chan eil fòn aig an taigh aig 20.4% dhe na dachannan.

Fèisean

Thathar a’ cumail am iomadach seòrsa dhe fhèis ann am Fómeque. Chithear fèilltean caitligeach, leis gur e dùthaich le mòr-chuid chaitligeach a th’ann fhathast, fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Daoine Ainmeil

José Eusebio Otálora (1826 - 1885): Ceann-suidhe na dùthcha eadar 1882 agus 1884.

Miguel Abadía Méndez (1867 - 1947): Ceann-suidhe na dùthcha eadar 1926 agus 1930.

Ceanglaichean A-mach

An t-sìde ann am Fómeque