Pedro Nel Ospina Vásquez

O Uicipeid
Jump to navigation Jump to search
Pedro Nel Ospina Vásquez
Pedro Nel Ospina.jpg
7. Antioquia

18 dhen t-Sultain 1918 - 12 dhen Ghiblean 1920
11. Ceann-suidhe Choloimbia

7 dhen Lùnastal 1922 - 7 dhen Lùnastal 1926
Jorge Holguín Jaramillo - Miguel Abadía Méndez
Beatha
Breith Bogotá, 18 dhen t-Sultain 1858
Dùthaich  Coloimbia
Bàs Medellín, 1 dhen Iuchar 1927
Teaghlach
Athair Mariano Ospina Rodríguez
Bràithrean ⁊ peathraichean
Foghlam
Foghlam Oilthigh Antioquia
Oilthigh California, Berkeley
Cànain Spàinntis
Dreuchd
Dreuchd neach-poileataigs, einnseanair agus einnseanair mèinnearachd
Creideamh
Creideamh Caitligeachd
Pàrtaidh poileataigeach Pàrtaidh Glèidhteachail Choloimbia

B' e saighdear, neach-poileataigs agus innleadair à Coloimbia a bha ann am Pedro Nel Tomás de Villanueva Ospina Vázquez. Rugadh e ann am Bogotá 18 an t-Sultain 1858 agus chaochail e ann am Medellín 1 an t-Iuchar 1927. Bha na cheann-suidhe na dùthcha eadar 1922 agus 1926, airson a’ Phàrtaidh Thoraidh.[1][2]

Teaghlach[deasaich | deasaich an tùs]

‘S e mac an treas pòsaidh aig an t-seann cheann-suidhe Mariano Ospina Rodríguez a bh’ ann, is esan os cionn A’ Cho-chaidreachas Ghranada eadar 1857 agus 1861, agus Enriqueta Vázquez Jaramillo, piuthar Tulio agus Mariano Ospina Pérez; rugadh e anns an Lùchairt San Carlos (Lùchairt an Riaghaltais), fhad ’s a bha athair os cionn an Riaghaltais. Am dèidh gun do chuir Tomás Cipriano de Mosquera ruaig air Ospina anns a’ Chogadh Sìobhalta dhe 1861, is binn bàis cuideachd (B’ urrainn dhàsan a theiche le taic a mhnà nuair a bha e na phrìosanach ann an Cartagena de Indias), b’ fheudar dha theaghlach a dhol thall thairis air ann an caochladh dùthchannan dhe Aimearaga Mheadhanach, far an do chuireadh fàilte chridheil airsan mar "Churaidh a’ Chreidimh Chrìosdail".

Fhuair Pedro Nel a chuid fhoghlaim ri taobh a bhràithrean bhon a’ Chomainn Ìosaid thall thairis. Bha e na chompanach sgoile ann an Guatamala dhe Muñoz. Dh’fhàs esan a bhith na àrd-sagart os cionn na miseanan ann an Coloimbia nuair a bha a Ospina na cheann-suidhe. Ged an do thilleadh an teaghlach gu Coloimbia bho àm gu àm, cha do dh’fhuirich iad san dùthaich aca fhèin nuair a bha Pedro Nel òg. Dh’ionnsaich e Innleadaireachd Shìobhalta anns na Stàitean Aonaichte is an uair sin rinn e tuilleadh chùrsaichean ann an Innleadaireachd mheatailt, Cheimigeach agus na mèinnean.[3]

Tilleadh gu Coloimbia[deasaich | deasaich an tùs]

Thill e dhan dùthaich ann an 1880 airson Sgoil Mèinnean na h-Antioquia a ghabhail os làimhe, còmhla ris a chuid bhràithrean ('s iad innleadairean cuideachd). Bha e an sàs anns an obair sgoilearach agus a chuid ghnothaichean prìobhaideach rè faisg air dà dheichead. Chaidh e a-steach gu feachdan Pàrtaidh nan Thòraidh airson a’ chogaidh shìobhalta dhe 1885, turas eile ann an 1895 agus mu dheireadh thall Cogadh na Mìle Làithean. Dh’fhàs e gun dhàil a bhith na sheanalair na Poblachd agus an uair sin na Rùnaire Oifis an t-Seanalair Marceliano Vélez.

Dreuchdan[deasaich | deasaich an tùs]

'S e ball a’ Chomhdhail a bh' ann iomadh turas san 20mh Linn, a bharrachd air Riaghladair na h-Antioquia eadar 1918 agus 1920. Sheas e mar thagraiche a’ chinneas ann an 1922, air sgàth gun do chòrd obair an Riaghladair ris.

Ceann-suidhe na Dùthcha[deasaich | deasaich an tùs]

Chuir e ruaig air ceannard nan Libearalach, Benjamín Herrera anns na taghaidhean. Fhuair Ospina 409,131 bhòtaichean is Herrera 246,647. A dh’aindeoin sin, thug e cuireadh dhuibh airson pàirt a ghabhail anns an Riaghaltas aige. Fhuair Coloimbia $25 millean dhe airgead dhìolaidh bho na Stàitean Aonaichte airson Panama a chall, nuair a bha e os cionn an Riaghaltais. Chaidh an t-suim sin a chleachdadh airson leasachadh làidir a dhèanamh do bhun-structar na dùthcha.

Toraidhean[deasaich | deasaich an tùs]

'Se airgead a chur an seilbh gu bun-structar na dùthcha a bh' ann a’ phrìomh amas aige. A bharrachd air sin, rinn e rudan cudromach eile, mar a leanas:

  • 'S e a’ chiad cheann-suidhe, aig ìre na cruinne, a chleachd am plèana airson tursan oifigeil a dhèanamh, leis gu do rinn e turas-adhair eadar Puerto Berrío agus Girardot dìreach an dèidh na taghaidhean.
  • Chuir e air bhog cuid dhe Lagh an Ionnsachaidh Phoblachd, a chaidh a dhealbhachadh le eòlaichean às A’ Ghearmailt. Le sin, b' urrainn dhan Riaghaltas aig Ospina an t-Ionnsachadh Poblach a leasachadh gu math.
  • Chaidh Banca na Iasadan Cho-àiteachail a chruthachadh (Spàinntis: Banco Agrícola Hipotecario).

Urras mar chuimhne airsan[deasaich | deasaich an tùs]

Stèidhich na duine chloinne aige, gu seach àraidh Luis Ospina Vásquez, an t-Urras Antioquianach airson Sgrùdaidh Shòisealta (Spàinntis: Fundación Antioqueña para los Estudios Sociales), le oifisean ann am Medellín: 'S e taic a thoirt dha na teaghlaichean bochda foghlam fhaighinn airson an cuid cloinne a th'ann prìomh amas an Urrais. Chuir iad Sgoil Saighdearach an t-Seanalair Pedro Nel Ospina (Spàinntis: Colegio Militar General Pedro Nel Ospina) air dòigh, ann an Chía cuideachd.

Iomraidhean[deasaich | deasaich an tùs]

  1. Presidencia de Colombia
  2. Leabharlann Luís Angel Arango
  3. Pedro Nel Ospina Vásquez.

Ceanglaichean a-mach[deasaich | deasaich an tùs]

Pàrtaidh Tòraidh Choloimbia

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: