Rufino Cuervo y Barreto

O Uicipeid
Gearr leum gu: seòladh, lorg
Rufino Cuervo y Barreto
Rufino Cuervo y Barreto

Ceann-suidhe Choloimbia


Breith 28 an t-Iuchar 1801
Tibirita ( Cundinamarca)
Bàs 21 an t-Samhain 1853
Bogotá ( Cundinamarca)
Pòsadh María Francisca de Urisarri y Tordecillas
Clann Luis María, Antonio Basilio, Ángel, Carlos Nicolás, Rufino José
Ainm na Stàite Flag of New Granada.svg Poblachd Ghranada Ùire
Teirm 14 an Lùnasdal 1847 gu 24 an Dùbhlachd 1847
Ro-theachdaire Tomás Cipriano de Mosquera
Neach-ionlaid Tomás Cipriano de Mosquera
Pàrtaidh Blue flag waving.svg Pàrtaidh Tòraidh Choloimbia
Alma mater Colegio San Bartolomé
Dreuchd fear-lagha, fear-aithris,fear-poileataigs
Creideamh Caitligeach

B’ e Rufino Cuervo y Barreto fear-poileataigs, fear-lagha agus neach-aithris à Coloimbia,[1] a rugadh ann an Tibiritá, Cundinamarca 28 an t-Iuchar 1801, agus a chaochail ann am Bogotá, 21 an t-Samhain 1853. Dh’ionnsaich e lagh aig a’ Cholaiste Rosario, ann am Bogotá. A bharrachd air sin, fhuair e deagh fhoghlaim aig Oilthigh Cauca cuideachd.[2] An dèidh sin thòisich e anns a’ bheatha poblach, anns a’ chiad dol a-mach mar sheirbheiseach-stàite aig Rùnaireachd a’ Mhaoineachaidh agus an uair sin mar bhall pàrlamaid agus Probhaist Bhogotá. ‘S e Rùnaire a’ Mhaoineachaidh agus tosgair ann an Eacuador a bh’ann rè a’ chinneas aig Pedro Alcántara Herrán. Bha e na thagraiche airson a’ chinneas ann an 1845, agus fhuair e an treas àite; ged nach do thaghaich am mòr-dhàil e o chionns nach robh mòr-chuid aig duine sam bith, chaidh e a roghainn mar leas ceann-suidhe, agus an Seanailear Tomás Cipriano de Mosquera mar cheann-suidhe.[3]

B’ fheudar dhàsan ceannas na Poblachd a fhaighinn eadar 14mh an Lùnasdal agus 14mh an Dùbhlachd 1847, leis gu robh an Seanailear Mosquera às an làthair. Ann an 1849 sheas e airson a’ chinneas a-rithist, fhuair e an treas àite a-rithist, ach b’ fheudar dhan Mhòr-dhail an gnothach a dheànamh a-rithist, is iad a’ taghadh eadar na triùir tagraichean a fhuair an taic na bu treasa. Chaidh tagrasan an t-Seanaileir José Hilario López (Pàrtaidh Libearalach Choloimbia), an t-seann mhinisteir Joaquín Gori agus Cuervo (an dithis sin bhon a’ Phàrtaidh Tòraidh Choloimbia) a sgrùdadh leis a’ Mhòr-dhail agus mu dheireadh thall, an dèidh fhìor dhroch chòmhstri eadar na daoine aig López agus an fheadhainn aig Cuervo (Ghèill na daoine aig Gori), chaidh López a thaghadh.

Bha e an sàs anns na pàipearan-naidheachd bho na 1820an gus an do bhàsaich e. Phòs e Dolores Urisarri, agus thug dithis dhen chuid chloinne aca pàirt anns an eachdraidh poileataigeach (Antonio Basilio Cuervo) agus cultarail (Rufino José Cuervo) na dùthcha.

Ceanglaichean A-mach[deasaich | deasaich an tùs]

Iomraidhean[deasaich | deasaich an tùs]

  1. Dùthchannan aig SMO
  2. Oilthigh Cauca
  3. Leabharlann Luís Angel Arango