Eduardo Santos

Eduardo Santos
Ministear Chùisean Cèin Choloimbia
Ceann-suidhe Choloimbia
Beatha
Ainm slàn	Eduardo Santos Montejo
Breith	Bogotá, 28 dhen Lùnastal 1888
Dùthaich	Coloimbia
Bàs	Bogotá, 24 dhen Mhàrt 1974
Àite-adhlacaidh	Central Cemetery of Bogotá (en)
Teaghlach
Athair	Francisco Santos Galvis
Cèile	Lorenza Villegas Restrepo (en)
Bràithrean ⁊ peathraichean	liosta Enrique Santos Montejo;
Foghlam
Foghlam	Oilthigh Nàiseanta Colombia ; Oilthigh an Rosario
Cànain	Spàinntis
Dreuchd
Dreuchd	neach-naidheachd, dioplomat, neach-poileataigs agus neach-lagha
Duaisean a fhuaras	liosta Maria Moors Cabot Prizes (1960) ;
Ballrachd	Colombian Academy of History (en)
Creideamh
Pàrtaidh poileataigeach	Pàrtaidh Glèidhteachail Choloimbia

B’ e Eduardo Santos Montejo (Bogotá, 28mh an Lùnasdal 1888 — Bogotá, 24mh am Màrt 1974) neach-lagha, neach-poileataigs, neach-aithris agus riochdaire dioplòmasach à Coloimbia. Bha e na bhall a’ Phàrtaidh Libearalach agus na Cheann-suidhe na poblachd eadar 1938 agus 1942. 'S e mac Francisco Santos Galvis agus Leopoldina Montejo agus fear de shliochd Antonia Santos, curaidh na neo-eisimeileachd, a bh' ann. Phòs e Lorenza Villegas, agus cha d’ fhuair iad ach aon nighean (Clara) a bhàsaich nuair a bha i beag.^[1]

Cùrsa-beatha anns a’ phoileataigs agus na meadhanan

A dh’aindeoin gu do bhàsaich athair òg (ann an 1900), b’ urrainn dhasan lagha a dh'ionnsachadh aig a’ cholaiste Colegio Mayor de Nuestra Señora del Rosario, ach thug e an ceum aige bho Oilthigh Nàiseanta Choloimbia is an uair sin shiubhail e gu Paris airson a chuidh fhoghlaim a choileanadh, is e ag ionnsachadh Litreachas agus Eòlas-comainn an siud. An dèidh a thilleadh dhan dhùthaich aige ann an 1909, thoisich e a dh’obair anns na meadhanan fo Tomás Rueda Vargas agus an uair sin anns a’ phàipear-naidheachd El Tiempo, a stèidhich a bhràthair-cèile Alfonso Villegas Restrepo ann an 1911: cheannaich Santos am pàipear sin ann an 1913. Bha e na riochdaire dhe El Tiempo rè 25 bliadhna agus bho an sin dhìonadh esan beachdan a’ Phàrtaidh Libearalach agus chumadh e taobh le miannan phoileataigeach a’ Phàrtaidh.

A dh’aindeoin gur e fìor Libearalach a bh' ann, bha e fhèin an sàs ann an stèidheachadh a’ Phàrtaidh Poblachdach, fo Carlos E. Restrepo Restrepo. Nuair a ràinig esan an Ceannas (1910 – 1914) dh’ainmich e Santos gu mòran dreuchdan aig ìre meadhanach ann am Ministrealachd na Dùthchannan Cèin. An dèidh gun do chuireadh às a’ Phàrtaidh Poblachdach, thill e dhan Phàrtaidh Libearalach (1921) agus air sàilleabh a chliù mar fhear-aithris, chaidh e a dh’ainmeachadh riochdaire iomairt a’ chinneas aig Enrique Olaya Herrera, airson na taghaidhean ann an 1930. An dèidh a’ bhuaidh aige, chuir Olaya e os cionn Ministrealachd na Dùthchannan Cèin agus a bharrachd air sin bha àite aige anns an t-Seanaidh rè an teirm sin (1930- 1934) agus bha e na Riaghladair ann an Santander cuideachd. An uair sin, rè an riaghaltais aig Alfonso López Pumarejo (1934 – 1938) bha e os cionn na Buidhne Coloimbianach aig Lìog na Nàiseanan.

Ceannas

Airson na taghaidhean ann an 1938 dh’aontaich na meadhanaich (leis-san) agus na adhartaich a’ Phàrtaidh Libearalach gum biodh an t-seann cheann-suidhe Olaya na thagraiche, ach nuair a dh’ eug esan anns An Ròimh ann an (1937) b’ fheudar dha na Libearalaich a thaghadh eadar Santos agus Darío Echandía Olaya, ach dh’fhàg esan an rèis is e ag aithneachadh gu robh a’ mhòr-chuid ri taobh Shantos. Bhuannaich Santos na taghaidhean a’ chinneas sin gun cho-fharpaiseach Tòraidh, leis nach do bhòt am Pàrtaidh sin.