Dalswinton

O Uicipeid
Dalswinton

Suidheachadh
Dùthaich Alba
Comhairle Dùn Phris is Gall-Ghaidhealaibh
Co-chomharran 55° 09′ 00″ Tuath
03° 40′ 00″ Iar
Feartan fiosaigeach
Àireamh fòn 01387

‘S e baile beag dùthchasail faisg air Dùn Phris, air an àirde an iar-dheas na h-Alba a th' ann an Dalswinton. Tha e suidhichte aig 68m os cionn ìre na mara,[1] ann an cridhe Dhùin Phris is Gall-Ghaidhealaibh (Siorrachd Dhùn Phrìs ro 1975), eadar Baile na h-Eaglaise agus Auldgirth, ri taobh na h-aibhne Nid.[2] Tha e 243km air falbh bho Obar Dheathain, 88km bho Ghlaschu, 9km bho Dhùn Phrìs agus 95km bho Dhùn Èideann, prìomh-bhaile na dùthcha. 'S e Beurla a th' ann a’ chiad chànan aig a’ mhòr-chuid dhe na daoine ann an Dalswinton. Tha eaconomaidh a' bhaile gu math crochte air àiteachas, an coilltearachd agus dreuchdan ann an Dùn Phrìs. A bharrachd air sin, tha oighreachd[3] agus tuath gaoithe[4] anns a’ bhaile. Taobh fhoghlaim, chan eil sgoiltean ann is le sin feumar a dhol dhan sgoil ann an Dùn Phrìs neo Bàrr na Dris.

Eachdraidh[deasaich | deasaich an tùs]

Tha am baile stèidhichte ri gach taobh an rathaid a thog na Ròmanaich o chion fhada, fais air daingneach.[5] Chaidh am baile a chlàradh airson a' chiad turais ann an 1292 mar Dalsuyntone.[6] Thog an teaghlach Cuimeanach Tùr an seo sna meadhan aoisean.[7] Chaidh am baile a chithear an latha an-diugh a leasachadh san 18mh Linn an dèidh do fhear-malairt à Glaschu, air an robh Patrick Miller,[8] an oighreachd a cheannachd ann an 1785. Thogadh eaglais anabarrach an seo ann an 1881.[9] Tha i air a dhèanamh ann an iarann preasach ann an taigh-gnìomhachais an Glaschu: 's e dòigh cunnarach a chleachdadh aig deireadh na 19mh Linne ri eaglaisean a thogail air an dùthaich. A-rèir carragh-chuimhne san sgìre, fhuair ceithir duine thar fhichead às a' pharraist bàs sa Chogadh Mòr[10] agus trì duine deug eile san Dàrna Cogadh.

Daoine Ainmeil[deasaich | deasaich an tùs]

Iomraidhean[deasaich | deasaich an tùs]

  1. Falling Rain
  2. Fish Pal
  3. Dalswinton Estate
  4. Infinis
  5. Dumfries Companion
  6. The Placenames of Scotland, James B. Johnston, Dùn Èideann 1892
  7. Scottish Places
  8. Robert Burns
  9. Scottish Churches
  10. Scottish War Memorials Project