Mouswald

O Uicipeid
Mouswald

Suidheachadh
Dùthaich Alba
Ceàrn Dùn Phris is Gall-Ghaidhealaibh
Co-chomharran 55° 02' 00″ Tuath
03° 28' 00″ Iar
Feartan fiosaigeach
Àireamh-shluaigh 410 (1951)
Àireamh fòn 01387
Duilleag oifigeil Mouswald aig Visit Scotland

‘S e baile beag dùthchasail faisg air Dùn Phrìs, air an àirde an iar-dheas na h-Alba a th’ ann an Mouswald (Mosswald o shean). Tha e suidhichte aig 52m os cionn ìre na mara,[1] ann an cridhe Dhùin Phris is Gall-Ghaidhealaibh (Siorrachd Dhùn Phrìs ro 1975), eadar an Cathair Ruairidh agus Dùn Phrìs, ri taobh an Uillt Cleughbrae.[2] Tha e 248km air falbh bho Obar Dheathain, 102km bho Ghlaschu, 14km bho Inbhir Anainn agus 103km bho Dhùn Èideann, prìomh-bhaile na dùthcha. [3] Bha mu 410 duine a' fuireach an seo ann an 1951.[4] 'S e Beurla agus Beurla Ghallda th' ann an dà chànan aig a’ mhòr-chuid dhe na daoine ann am Mouswald. Tha Eaconomaidh a' bhaile gu math crochte air àiteachas agus dreuchdan ann an Dùn Phrìs. A bharrachd air sin, tha pàirc charabhan ann.[5] Taobh fhoghlaim, tha bun-sgoil[6] ann ach feumar a dhol dhan àrd sgoil ann an Dùn Phrìs.

Freumhan an Ainm[deasaich | deasaich an tùs]

A rèir eòlaichean fhreumh-fhaclachd, tha e coltach gur ann à seann Bheurla neo Lochlannais a tha ainm a' bhaile, a tha a' ciallachadh Coille a' Mhòintich bho Méos (Mòinteach) agus Weald (Coille).[7] Chan eil am baile idir fada air falbh bhon a' Mhòinteach Lochar.[8] Bha coilltean mòra ann o chionn fhada. 'S ann gu math pailt 's a tha ainmean-àite Lochlannach ann an iar-dheas na h-Alba,[9] gu h-àraidh nas fhaisge air a' Mhuir agus tha iad uile-làthaireach san sgìre eadar Inbhir Anainn agus Greatna.

Eachdraidh[deasaich | deasaich an tùs]

Bha a' chiad eaglais do Naomh Peadar, ann san 13mh Linn mar-thà, ach thogadh eaglais ùr an seo an an 1816 agus lesachadh ann an 1929,[10] nuair a chuireadh geata mòr air bhog. Chaidh an eaglais a dhùnadh ann an 2011,[11] leis gun do deach Comar na Drise, Ruadhail agus Mouswald a chur ri chèile mar aon pharraist. A-rèir carragh-chuimhne a' bhaile, fhuair deichnear à Mouswald bàs sa Chogadh Mòr[12] agus fear eile san Dàrna Cogadh.

Iomraidhean[deasaich | deasaich an tùs]

  1. Elevation Map
  2. Geolocation
  3. Distance Calculator
  4. Vision
  5. Manor Hotel
  6. A' Chomhairle
  7. Old English Translator
  8. Scottish Places
  9. Ordanance Survey
  10. Scottish Churches
  11. Daily Record
  12. Scottish War Memorials Project