Jump to content

Drochaid Charrainn

O Uicipeid
Drochaid Charrainn

Suidheachadh
Dùthaich Alba
Ceàrn Dùn Phris is Gall-Ghaidhealaibh
Co-chomharran 55° 15' 43″ Tuath
03° 46' 44″ Iar
Feartan fiosaigeach
Àireamh-shluaigh 320 ()
Àireamh fòn 01848
Duilleag oifigeil Drochaid Charrainn aig Visit Scotland

‘S e baile beag dùthchasail faisg air Dùn Phrìs, air an àirde an iar-dheas na h-Alba a th’ ann an Drochaid Charrainn.[1] Tha e suidhichte aig 82m os cionn ìre na mara,[2] ann an ceann a tuath Dhùin Phris is Gall-Ghaidhealaibh (Siorrachd Dhùn Phrìs ro 1975), eadar An t-Seann Chathair agus Bàrr na Dris, faisg air inbhir na h-aibhnichean Carrainn agus Nid.[3] Tha e 235km air falbh bho Obar Dheathain, 73km bho Ghlaschu, 24km bho Dhùn Phrìs agus 85km bho Dhùn Èideann, prìomh-bhaile na dùthcha.[4] 'S e Beurla agus Beurla Ghallda th' ann an dà chànan aig a’ mhòr-chuid dhuibh ann an Drochaid Charrainn. Tha eaconomaidh a' bhaile gu math crochte air àiteachas, coilltearachd agus turasachd. A bharrachd air sin, tha taigh-òsda[5] agus talla a' bhaile ann.[6] Taobh fhoghlaim, chan eil sgoiltean ann agus le sin feumar a dhol dhan na sgoiltean ann am Bàrr na Dris.[7]

Freumhan an Ainm

[deasaich | deasaich an tùs]

A rèir eòlaichean fhreumh-fhaclachd, tha e coltach gur ann à Caer/Cathair agus Afon/Abhainn ann an seann chuimris neo Gàidhlig a th'ann an t-ainm.[8] 'S ann gu math pailt a tha ainmean-àite ann an Cuimris ann an ceann a deas na h-Alba. Nochd a' Ghàidhlig ann an ceann a deas na h-Alba anns an 7mh Linn agus bha an cànan fhathast làidir ann an Siorrachd Dhùn Phrìs fhèin anns an 14mh Linn.[9] A bharrachd air sin, tha cruth na tìre a' toirt cuideam dhan teòiridh seo. A dh'aindeoin sin, tha cuid eile dhen bheachd gur ann à treubhan mar na Carnones/Cerones air an do sgrìobh Ptolemy ann an 120 a bha nan tàmh san sgìre seo a tha ainm an àite seo.[10]

Eachdraidh

[deasaich | deasaich an tùs]

Bha campa Ròmanach ann o shean, faisg air an rathad a thog iad ri taobh na h-aibhne Nid.[11] Chithear tobhtaichean dà chaisteil san sgìre: Caisteal Enoch,[12] a thogadh san 13mh Linn agus caisteal Mhorton, a thogadh mu 1250 agus a dh'fhàgadh ann an 1714. Chaidh Na Seumasaich seachad air Drochaid Charrainn air an t-seann rathad shuas gu tuath ann an 1746, an dèidh dhaibh Sasainn fhàgail.[13] Thogadh stèisean-rèile agus drochaid-rathaid an seo ann an 1850[14] ach dhùnadh an stèisean ann an 1953. A-rèir carragh-chuimhne faisg air an stèisean, fhuair 28 duine às an sgìre seo bàs sa Chogadh Mòr[15] agus seachdnar eile san Dàrna Cogadh.

Iomraidhean

[deasaich | deasaich an tùs]
  1. ↑ Dumfriesshire Companion
  2. ↑ Elevation Map[dead link]
  3. ↑ Scottish Places
  4. ↑ Distance From
  5. ↑ Carronbridge Hotel
  6. ↑ Need a disco
  7. ↑ A' Chomhairle
  8. ↑ The New Statistical Account of Scotland, Volume 2, William Blackwood, Dùn Èideann 1834
  9. ↑ Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147
  10. ↑ The Placenmes of Scotland, James B. Johnston, Dùn Èideann 1892
  11. ↑ Dumfriesshire Companion
  12. ↑ CAST
  13. ↑ Am Baile[dead link]
  14. ↑ Butt, R. V. J. (1995). The Directory of Railway Stations: details every public and private passenger station, halt, platform and stopping place, past and present (1st ed.). Sparkford: Patrick Stephens Ltd. ISBN 1-8526-0508-1. OCLC 60251199
  15. ↑ Scottish War Memorials Project
Bailtean ann an Siorrachd Dhùin Phris

Achadh na h-Eaglaise  • Ae  • Amisfield  • Applegarthtown  • Auldgirth  • Bankend  • Bàrr na Dris  • Beattock  • Bentpath  • Canonbaidh  • Cathair  • Cathair Ruairidh  • Chapelknowe  • Cille Chonaill  • Cille Bhrìghde  • Cill Osbairn  • Cille Phàdraig nam Fleamach  • An Clachan  • Clarencefield  • Collin  • Comar na Drise  • Cuingealach  • Dalswinton  • Daltan  • Doire Chonaill  • Dòrnach  • Drochaid Charrainn  • Drochaid a' Mhuilinn  • Drochaid Mhic Iain  • Dubhras na Doire  • Dùn Choll  • Dùn Phris  • Dùn Sgoir  • Eaglais Fheichin  • Eastriggs  • Eskdalemuir  • Gleann Chapall  • Greatna  • Hightae  • Hoddom  • Inbhir Anainn  • Kettleholm  • Kirtlebridge  • Langaim  • Loch Mhabain  • Logarbaidh  • Am Magh Fada  • Middlebie  • Mouswald  • Parkgate  • Penpont  • Powfoot  • Ruadhail  • Templand  • Torthorwald  • Tynron  • Wamphray  • Waterbeck

 
Air a tharraing à "https://gd.wikipedia.org/w/index.php?title=Drochaid_Charrainn&oldid=574357"