Eskdalemuir

O Uicipeid
Jump to navigation Jump to search
Eskdalemuir
Samye Ling Stupa.JPG
Mapa dg eskdalemuir.jpg
Suidheachadh
Dùthaich Flag of Scotland.svg Alba
Comhairle Dùn Phris is Ghall-Ghàidhealaibh
Co-chomharran 55° 16′ 08″ Tuath
03° 10′ 37″ Iar
Feartan fiosaigeach
Àireamh-shluaigh 256 (2001)
Àireamh fòn 013873
Duilleag oifigeil Duilleag na Sgìre

‘S e baile beag dùthchasail faisg air na crìochan le Comhairle nan Crìochan, air an àirde an iar-dheas na h-Alba a th' ann an Eskdalemuir. Tha e suidhichte aig 219m os cionn ìre na mara,[1] air an àirde an ear Dhùin Phris is Ghall-Ghàidhealaibh (Siorrachd Dhùn Phris ro 1975), eadar Hamhaig agus Am Magh Fada, ri taobh na h-aibhne Easg.[2] Tha e 218km air falbh bho Obar Dheathain, 91km bho Ghlaschu, 31km bhon Dùn Phrìs agus 76km bho Dhùn Èideann, prìomh-bhaile na dùthcha. 'S e Beurla a th' ann a’ chiad chànain aig a’ mhòr-chuid dhe na daoine ann an Eskdalemuir. Tha eaconomaidh a' bhaile gu math crochte air àiteachas agus coilltearachd. A bharrachd air sin, tha talla a' bhaile san sheann sgoil, air a bheil an Hub, amharc-lann/stèisean aimsire[3] agus tèarmann nam Budach[4] anns a’ bhaile. Taobh fhoghlaim, chan eil bun-sgoil ann is feumar a dhol dhan sgoil ann am Logarbaidh neo Langaim, leis nach eil ach 256 duine a' fuireach shuas an seo. 'S e an t-àite as fhliche an Alba air fad a th'ann.[5]

Eachdraidh[deasaich | deasaich an tùs]

Nuair a ràinig na Ròmanaich s' ann leis na Selgovae a bha an sgìre seo agus chithear tobhtaichean ro eachdraidheil air bàrr gach cnoc is beinn mu thimcheall a' bhaile.[6] Taobh creideamh, chaidh eaglais snasail a thogail ann an 1836 agus chruthaich fògarraich à Tibet tèarmann dhaibh an seo ann an 1965. Chaidh am stèidhichear, Dr Akong Rinpoche, a mharbhadh ann an 2013.[7] Bha bun sgoil ann, ach dhùnadh ann an 2006 i[8] oir cha robh ach dithis sgoilear ann. A-rèir carragh-chuimhne a' bhaile, fhuair sia duine deug à Eskdalemuir bàs sa Chogadh Mòr[9] agus ceithrear eile san Dàrna Cogadh.

Iomraidhean[deasaich | deasaich an tùs]

  1. Elevation Map
  2. Walk Highlands
  3. Eskdalemuir Magnetic Observatory
  4. Samyeling
  5. Oifis na Sìde
  6. Scottish Places
  7. Southern Reporter
  8. A' Chomhairle
  9. Scottish War Memorials Project