Cill Choluim

Cill Choluim


Suidheachadh

Dùthaich	Alba
Comhairle	Dùn Phris is Gall-Ghaidhealaibh
Siorrachd	Siorrachd Bhaile na h-Ùige
Parraist	Cill Choluim fhèin^[1]
Co-chomharran	54° 58′ 00″ Tuath 05° 04′ 60″ Iar
Feartan fiosaigeach
Àireamh fòn	01776
Còd-puist	DG9^[2]

‘S e baile beag dùthchasail air iomall na Sròine Reamhaire, air an àirde an iar-dheas na h-Alba a th' ann an Cill Choluim (Beurla: Kirkcolm, Beurla Ghallta: Kirkcaum). Tha e suidhichte ìre na mara^[3] eadar Loch Rìoghaine agus Loch Chonaill, ann an ceann a tuath nan Rannaibh, faisg air Ervie, air an àirde an iar Dhùin Phris is Gall-Ghaidhealaibh (Siorrachd Bhaile na h-Ùige ro 1975). Tha e 305km air falbh bho Obar Dheathain, 112km bho Ghlaschu, 95km bho Dhùn Phrìs agus 161km bho Dhùn Èideann, prìomh-bhaile na dùthcha.^[4] 'S e Beurla agus Beurla Ghallta a th' aig a’ mhòr-chuid dhiubh ann an Cill Choluim. Tha Eaconomaidh a' bhaile gu math crochte air àiteachas, turasachd agus dreuchdan anns An t-Sròin Reamhair. Taobh fhoghlaim, tha bun-sgoil^[5] ann ach feumar a dhol dhan àrd-sgoil anns An t-Sròin Reamhair.^[6]

Freumhan an Ainm

A rèir eòlaichean fhreumh-fhaclachd, tha e coltach gur ann à Cill neo loch agus ainm an naoimh Caluim anns a' Ghàidhlig fhèin a tha an t-ainm.^[7] Nochd a' Ghàidhlig ann an ceann a deas na h-Alba anns an 7mh Linn agus bha an cànan fhathast làidir ann an Siorrachd Bhaile na h-Ùige fhèin anns an 18mh Linn.^[8] A bharrachd air sin, tha am baile suidhichte ann an sgìre a tha mar chreathal na Crìosdaidheachd an Alba, ged nach eil ceangal ann le Calum Cille.

Eachdraidh

Chaidh an t-ainm a chlàradh airson a' chiad turas mar Kyrcum ann an 1484.^[9]

Poileataigs

'S ann gu Comhairle Choimhearsnachd Chille Choluim fhèin a bhuineas Cill Choluim, a ghabhas a-steach Ervie, Barnhills agus an sgìre ann an ceann a tuath nan Rannaibh. Tha 750 duine a' fuireach san sgìre air fad.^[10] Tha 7 comhairlichean coimhearsnachd a' riochdachadh na sgìre agus thathar a' cumail coinneamhan na Comhairle gach cola-deug ann Talla a' Bhaile ann an Cill Choluim. Tha e a' buntainn dhan uàrd-taghaidh 01 (An t-Sròn Reamhar agus na Rannaibh) airson Comhairle na Roinne.^[11]

	Ainm	Bhòtaichean
Gun phàrtaidh	Willie Scobie	1,925
Tòraidheach	Andrew Giusti	1,703
Nàiseantaich	Ros Surtees	765
Làbaraich	Tommy Sloan	312

Daoine Ainmeil

Sir John Ross CB (1777 - 1856). Oifigear a' chabhalaich.

Còmhdhail

Chan eil seirbheis rèile ann. A dh'aindeoin sin, tha seirbheis bhus a' frithealadh a' bhaile:

408 An t-Sròn Reamhar – Lios Uillt – Cill Choluim.^[12]

Iomraidhean

Bailtean ann an Siorrachd Bhaile na h-Ùige

Achadh na Meilge • Àrd Bhaile • Baile Gheàrr Lios • Baile na h-Ùige • Baile Ùr Ghlinn Lus • Baile Ùr nan Stiùbhartach • Barrachan • Blaidneach • Càrn Rìoghain • Cille Chainneir • Cill Choluim • Cill Chomhghain • Cill na Tràghad • Clachan Ghlinn Lus • Damnaglaur • An Druim Mòr • Dùn Reichit • Eaglais Steafain • An Eilreig • Ervie • A' Ghlac • Na Lochain • Lios Uillt • Am Magh Crom • Am Monadh Rèidh • Port Neasaig • Port Phàdraig • Port Rosnait • Poll an Iùbhair • Sandhead • Soirbidh • An t-Sròn Reamhar • Whauphill • Whithorn

[1] Arcgis

[2] Post Code Maps

[3] Falling Rain

[4] Distance from - to

[5] A' Chomhairle

[6] Stranraer Academy

[7] The Placenames of Scotland, James B. Johnston, Dùn Èideann 1892

[8] Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147

[9] Places

[10] A' Chomhairle

[11] LGBC

[12] Còmhdhail na Comhairle

[1]

[2]

[3]

[4]

[5]

[6]

[7]

[8]

[9]

[10]

[11]

[12]