Sandhead

O Uicipeid
Gearr leum gu: seòladh, lorg
Sandhead
Sandheadmainstreet.jpg
Mapa Sandhead ann an DG.jpg
Suidheachadh
Dùthaich Alba
Comhairle Dùn Phris is Gall-Ghaidhealaibh
Siorrachd Siorrachd Bhaile na h-Ùige
Parraist Eaglais Steafain[1]
Co-chomharran 54° 47′ 60″ Tuath
05° 57′ 00″ Iar
Feartan fiosaigeach
Àireamh fòn 01776
Còd-puist DG9[2]

‘S e baile beag dùthchasail faisg air Port Neasaig, air an àirde an iar-dheas na h-Alba a th' ann an Sandhead. Tha e suidhichte shìos air an tràigh aig ìre na mara[3] eadar Eaglais Steafain agus Àrd Bhaile, ann am meadhan nan Rannaibh, air an àirde an iar Dhùin Phris is Gall-Ghaidhealaibh (Siorrachd Bhaile na h-Ùige ro 1975). Tha e 316km air falbh bho Obar Dheathain, 126km bho Ghlaschu, 92km bho Dhùn Phrìs agus 170km bho Dhùn Èideann, prìomh-bhaile na dùthcha.[4] 'S e Beurla agus Beurla Ghallta a th' aig a’ mhòr-chuid dhiubh ann an Sandhead. Tha Eaconomaidh a' bhaile gu math crochte air àiteachas, turasachd. Taobh fhoghlaim, tha bun-sgoil ann[5] ach feumar a dhol dhan àrd-sgoil anns An t-Sròin Reamhair.[6]

Freumhan an Ainm[deasaich | deasaich an tùs]

A rèir eòlaichean fhreumh-fhaclachd, tha e coltach gur ann à sand (gainmheach ) agus head (ceann) sa Bheurla neo Lochlannais a tha an t-ainm.[7] 'S ainneamh a chithear ainmean-àite sa Bheurla san sgìre seo, ged a tha fheadhainn sa Lochlannais gu math pailt. Tha cruth na tìre a' toirt cuideam dhan teòiridh. A thuilleadh air sin, tha àite eile faisg air Sandhead air a bheil Gennoch, neo gainmheach sa Gàidhlig.

Eachdraidh[deasaich | deasaich an tùs]

Poileataigs[deasaich | deasaich an tùs]

'S ann gu Comhairle Choimhearsnachd na h-Eaglaise Steafain a bhuineas Sandhead, a ghabhas a-steach Eaglais Steafain agus Àrd Bhaile. Tha 1,060 duine a' fuireach san sgìre air fad.[8] Tha 12 comhairlichean coimhearsnachd a' riochdachadh na sgìre agus thathar a' cumail coinneamhan na Comhairle gach mìos ann an Talla na h-Eaglaise, ann an Sandhead. Tha e a' buntainn dhan uàrd-taghaidh 03 (Meadhan Ghall-Ghàidhealaibh) airson Comhairle na Roinne.[9]

Gnàth-shìde[deasaich | deasaich an tùs]

'S ann ann an sgìre mòran nas blàithe (Cuibheasachd bhliadhnail: 8.7 °C) agus mòran nas fhliche (Cuibheasachd bhliadhnail: 1065mm) an coimeas ris an còrr dhen dùthaich 's a tha Sandhead. Tha sileadh trom ann, fiù 's fad na mìosan nas tioraim, leis nach eil e idir fad air falbh bhon mhuir air an àirde an iar na h-Alba. 'S ann gu math stoirmeil 's a tha e agus bidh gailleannan ann fad na bliadhna. 'S e àite Cfb ann an sgèile Köppen-Geiger a th' ann an Sandhead.[10] Chan eil an t-sneachd idir pailt an seo. Tha diofar mhòr eadar am mìos as fhliche agus am mìos as tioraim: 56mm eadar an Cèitean (dìreach 62mm) agus an t-Samhain (119mm). Fad na bliadhna, bidh an teothachd ann am fiaradh mheadhanach: 11.5 °C.

Sileadh agus teaothachd ann an Sandhead.jpg

Còmhdhail[deasaich | deasaich an tùs]

Chan eil seirbheis rèile ann. A dh'aindeoin sin, tha seirbheis bhus a' frithealadh a' bhaile:

Iomraidhean[deasaich | deasaich an tùs]

  1. Arcgis
  2. Post Code Maps
  3. Falling Rain
  4. Distance from - to
  5. Foghlam Alba
  6. Stranraer Academy
  7. Studies in the Topography of Galloway, Sir Herbert Eustice Maxwell of Monreith, Constable, Dùn Èideann, 1887
  8. A' Chomhairle
  9. Dumfries and Galloway Wards 2007”. Local Government Boundary Commission for Scotland. Air a thogail 29mh dhen Ghiblean 2017.
  10. Climate Data
  11. Còmhdhail na Comhairle