Quibdó

Quibdó [[Image:|60px]] Bratach a' bhaile gun lùireach
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Chocó
Àirde	43m
Teodhachd	28˚
Co-chomharran	05º 41' 13' Tuath 76 º 39' 40' Iar
Feartan fiosaigeach
Farsaingeachd	3,337 km²
Àireamh-shluaigh	112,886 (2005)
Dlùths	33.83/km²
Duilleag oifigeil	Comhairle a’ Bhaile

' S e prìomh-bhaile na roinne Chocó, ann an Coloimbia, a th'ann Quibdó. Tha e suidhichte air an àirde an iar na dùthcha ri taobh na h-aibhne Atrato, aig astar dhe 564km bho Bhogotá. Tha àirde meadhanach dhe 43m os cionn ìre na mara aige. ‘S e baile le clìomaid teth a th’ann le teodhachd meadhanach dhe 28˚, rè na bliadhna, leis gu bheil e faisge air a’ Chuan Sèimh. 'S e Quibdó an 37mh baile as motha na dùthcha. Chaidh am baile a steidheachadh ann an 1664.

Sluagh a' bhaile

Ged a tha 112,886 nan tàmh anns a' bhaile, chan eil ach 11,752 dhuibh a' fuireach anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e Afro-Coloimbianaich a th'ann a' mhòr-chuid dhe na daoine ann an Quibdó. ‘S e Tùsanaich a th’ann an 1.1%, 3.2% dhe daoine geala/mestizos agus tha 95.7% dhe daoine le freumhan ann an Afraga. ' S urrainn dhan 84.8% dhe na daoine ann an Quibdó leughadh agus sgrìobhadh. A tuilleadh air sin, tha fòn aig an taigh aig 39.3% dhe na dachannan.

Fèisean

Thathar a’ cumail am iomadach seòrsa dhe fhèis ann an Quibdó. Chithear fèilltean caitligeach, leis gur e dùthaich le mòr-chuid chaitligeach a th’ann fhathast, fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Ceanglaichean A-mach

An t-sìde ann an Quibdó

Iomraidhean

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga  • Cartagena  • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta  • Sincelejo • Tunja • Valledupar • Villavicencio • Yopal