Mitú

O Uicipeid
Gearr leum gu: seòladh, lorg
Mitú
Flag of Mitú (Vaupés).svg Escudo de Mitú.svg
Bratach a' bhaile Gearradh-arm
no Seula
Mapa a' bhaile
Colombia - Vaupes - Mitu.svg
Sealladh air a' bhaile
Rio Vaupes.JPG
Suidheachadh
Dùthaich Flag of Colombia.svg Coloimbia
Roinn Flag of Vaupés.svg Vaupés
Àirde 200m
Teodhachd 27˚
Co-chomharran 01º 11' 54' Tuath
750 10' 24' Iar
Feartan fiosaigeach
Farsaingeachd 16,422 km²
Àireamh-shluaigh 28,382 (2005)
Dlùths 1.73/km²
Duilleag oifigeil Comhairle a’ Bhaile

' S e baile beag ann an Vaupés, Coloimbia,[1] a th'ann Mitú. Tha e suidhichte ann an ceann a deas na dùthcha, aig astar dhe 660km bho Bhogotá faisge air na coilltean-uisge anns an Amazon. Tha àirde meadhanach dhe 200m os cionn ìre na mara aige. ‘S e baile le cliomaid teth a th’ann le teodhachd meadhanach dhe 27˚, rè na bliadhna. Chaidh am baile a steidheachadh ann an 1935.

Freumhan an Ainm[deasaich | deasaich an tùs]

'S e ainm Tùsanach a th'ann Mitú. Tha am facal a' ciallachadh Paujil[2] (seòrsa dhe eun) ann an Yeral, cànan Tupi-Guaranaidh a tha ga bhruidhinn anns an sgìre.[3]

Sluagh a' bhaile[deasaich | deasaich an tùs]

Ged a tha 28,382 nan tàmh anns a' bhaile, tha a’ mhòr-chuid dhuibh, 15,361, a' fuireach anns na sgìrean dùthchasail am broinn crìochan a' bhaile.[4] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[5] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Le sin ‘ s e pàtran àireimh-shluaigh a th’ann fhathast ann am Mitú.

Taobh chinnidh, 's e Tùsanaich a th'ann a' mhòr-chuid dhe na daoine ann an Mitú. ‘S e Tùsanaich a th’ann an 64.4%, daoine geala agus mestizos a th’ann an 33.9% agus tha 1.7% dhe daoine le freumhan ann an Afraga. 'S urrainn dhan 74.5% dhe na daoine ann an Mitú leughadh agus sgrìobhadh. A tuilleadh air sin, tha fòn aig an taigh aig 20.4% dhe na dachannan.[6]

Fèisean[deasaich | deasaich an tùs]

Thathar a’ cumail am iomadach seòrsa dhe fhèis ann an Mitú. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[7] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Iomraidhean[deasaich | deasaich an tùs]

  1. Dùthchannan aig SMO
  2. Leabharlann Luis Angel Arango
  3. Fiosrachadh a' Chomhairle
  4. Figearan Oifis a' Chunntas-sluaigh
  5. Cololmbia Virtual
  6. Bileag fhiosrachaidh DANE
  7. Country Studies: Colombia

Ceanglaichean A-mach[deasaich | deasaich an tùs]

An t-sìde ann an Mitú


Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: