Inírida

O Uicipeid
Gearr leum gu: seòladh, lorg
Inírida
Inirida, Guainía.PNG [[Faidhle:|60px]]
Bratach a' bhaile gun lùireach
Mapa a' bhaile
Colombia - Guainia - Inirida.svg
Sealladh air a' bhaile
Vicariainirida.jpg
Suidheachadh
Dùthaich Flag of Colombia.svg Coloimbia
Roinn Flag of Guainía.svg Guainía
Àirde 100m
Teodhachd 25˚
Co-chomharran 03º 51' 55' Tuath
67º 55' 26' Iar
Feartan fiosaigeach
Farsaingeachd 17,000 km²
Àireamh-shluaigh 17,866 (2005)
Dlùths 1.05/km²
Duilleag oifigeil Comhairle a’ Bhaile

' S e prìomh-bhaile na roinne Guainía, ann an Coloimbia,[1] a th'ann Inírida neo Puerto Inirída anns na làithean a dh'fhalbh. Tha e suidhichte air an àirde an ear na dùthcha ri taobh inbhir na h-aibhnichean Inírida agua Guaviare, aig astar dhe 600km bho Villavicencio. Tha àirde meadhanach dhe 100m os cionn ìre na mara aige. ‘S e baile le clìomaid teth a th’ann le teodhachd meadhanach dhe 25˚, rè na bliadhna. Chaidh am baile a steidheachadh gu h-oifigeil ann an 1974.

Freumhan an Ainm[deasaich | deasaich an tùs]

'S e ainm Tùsanach a th'ann Inirída. Tha am facal a' ciallachadh Guacamaya (seòrsa dhe flùr) a chithear ri taobh na h-aithnichean anns an sgìre. Chuir Alexander Von Humboldt an t-ainm sin dhan inbhir a cheaglas na h-aibhnichean Orinoco, Atabapo agus Guaviare far a bheil am baile an latha an-diugh.[2]

Sluagh a' bhaile[deasaich | deasaich an tùs]

Ged a tha 17,866 nan tàmh anns a' bhaile, chan eil ach 7,046 dhuibh a' fuireach anns na sgìrean dùthchasail am broinn crìochan a' bhaile.[3] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[4] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e Tùsanaich a th'ann a' mhòr-chuid dhe na daoine ann an Inírida: ‘S e Tùsanaich a th’ann an 60.3%, 38.5% dhe daoine geala/mestizos agus tha 1.2% dhe daoine le freumhan ann an Afraga. ' S urrainn dhan 80.6% dhe na daoine ann an Inírida leughadh agus sgrìobhadh. A tuilleadh air sin, tha fòn aig an taigh aig 18.5% dhe na dachannan.[5]

Fèisean[deasaich | deasaich an tùs]

Thathar a’ cumail am iomadach seòrsa dhe fhèis ann an Inírida. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[6] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Iomraidhean[deasaich | deasaich an tùs]

  1. Dùthchannan aig SMO
  2. Leabharlann Luis Angel Arango
  3. Figearan Oifis a' Chunntas-sluaigh
  4. Colombia Virtual
  5. Bileag fhiosrachaidh DANE
  6. Country Studies: Colombia

Ceanglaichean A-mach[deasaich | deasaich an tùs]

An t-sìde ann an Inírida


Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: