Canaigh

O Uicipeid
Gearr leum gu: seòladh, lorg
An Coroghon; caisteal briste san àird an ear Chanaigh [1]

'S e Canaigh [2] an t-eilean as fhaide iar a tha anns na h-Eileanan Tarsainn. Anns a’ bhliadhna 2006 bha 19 daoine a’ fuireach an seo.

Tha Canaigh ainmeil airson nan eòin aige.

Cruinn-eòlas[deasaich | deasaich an tùs]

Tha Canaigh mu 7 cilemeatair (4.3 mìltean) a leud agus 1.5 cilemeatair (0.9 mìle) air fhad. Tha an t-eilean Òigh-sgeir (Beurla: Haiskeir) mu 10 cilemeatair san àirde an iar-dheas Chanaigh. Tha an t-eilean ceangailte le Sandaigh le drochaid.

'S e an "Càrn a' Ghaill" an cnoc as àirde air Canaigh le 210 meatair (689 troigh) de dh'àirde. San àird an iar an eilein tha "Ceann Creag-airighe" le 130 meatair de dh'àirde.

Eachdraidh[deasaich | deasaich an tùs]

Bha Canaigh aig Iain Latharna Caimbeul, seinneadair agus sgoilear Gàidhlig. Anns a’ bhliadhna 1981 thug e an t-eilean do dh'Urras Nàiseanta na h-Alba, ach bha cead aige a bhith a’ fuireach ann an Taigh Chanaigh, gus an do chaochail e ann an 1996. Chum Margaret Fay Shaw, a’ bhean aige, air cruinneachadh stuthan Gàidhlig, gus an do chaochail i anns a’ bhliadhna 2004, bha i 101 bliadhna a dh’aois.[3] Fhàg i an leabharlann agus an tasglann fìor mhath a tha ann an Taigh Chanaigh don Hebridean Trust. Tha planaichean aca gum bi an leabharlann fosgailte mar àite rannsachaidh don a h-uile duine.

Giùlan[deasaich | deasaich an tùs]

MV Loch Nibheis

Tha port na mara mòr nàdarrach ann a tha suidhichte eadar Canaigh agus Sandaigh. Anns a’ bhliadhna 2005 leudaicheadh an cidhe. Cleachdaidh aiseagan Chaledonian Mac a' Bhriuthainn e. Tha an t-aiseag MV Loch Nibheis a’ ruith eadar Malaig is Canaigh, Eige, Rùm is Eilean nam Muc.

Iomraidhean[deasaich | deasaich an tùs]

  1. RCAHMS. "Information on Coroghan Castle". A' tarraing air 2007-04-20.
  2. Am Faclair Beag
  3. Road to the Isles. "Canna". A' tarraing air 2007-04-20.

Ceanglaichean a-mach[deasaich | deasaich an tùs]

Commons
Tha dealbhan ann an Wikimedia Commons cuideachd a tha ceangailte ris an aiste seo: