Eilean nam Muc

O Uicipeid
Gearr leum gu: seòladh, lorg
Eilean nam Muc - Port Mòr

Tha Eilean nam Muc (IPA: [ˈelan nə 'muxk]) na eilean anns na h-Eileanan Tarsainn. Tha an t-eilean 2. 5 mìle (4 cilemeatair) a dh'fhad. Tha e cho farsaing ri 2.2 mìle ceàrnagach. Mar sin 's e Eilean nam Muc an t-eilean as lugha a tha anns an innis-mhuir seo.

Anns a' bhliadhna 2001 bha 30 daoine a' fuireach air an eilean. 'S e Port Mòr am port-mara aige, tha an cuid as motha de na daoine a’ fuireach an seo. 'S e an tuathanas Gallanach an tuineachadh eile a tha ann.

'S e Beinn Airein (137 meatair) a’ bheinn as àirde a tha air an eilean.

Chaidh an cidhe ann am Port Mòr a thogail anns a’ bhliadhna 2005. Cleachdar na h-aiseagan Chaledonian Mac a' Bhruthainn e. Tha an aiseag MV Loch Nibheis a’ ruith eadar Mallaig is Canaigh, Eige, Rùm is Eilean nam Muc. Ged as urrainn don aiseig càraichean a thoirt leatha, chan eil e ceadaichte do luchd-turais càraichean a chleachdadh air Eilean nam Muc.

Tha Eilean nam Muc ainmeil airson nan ròin agus nan mucan-bhiorach a tha gu math iomadach anns a’ mhuir timcheall air an eilean.

Chan eil an t-ainm "Eilean nam Muc" ceangailte leis an fhacal "muc" idir. 'S e ainm goirid airson muc-mhara a tha ann. [1]

Iomraidhean[deasaich | edit source]

  1. . Iain Mac an Tàilleir, "Placenames", duilleag 21, Pàrlamaid na h-Alba

Ceanglaichean a-mach[deasaich | edit source]