Rabat

O Uicipeid
Gearr leum gu: seòladh, lorg
Rabat
الرباط
Palace gate.jpg
Suidheachadh
Dùthaich Maroco
Ceàrn Rabat-Salé-Zemmour-Zaer
Co-chomharran 34° 2’ Tuath
6° 50’ Iar
Feartan fiosaigeach
Farsaingeachd 118 km²
Àireamh-shluaigh 1,721,760 (2007)
Dlùths 14,591.19/km²
Duilleag oifigeil http://www.rabat.ma/

'S e Rabat prìomh-bhaile Mharoco (Arabais: الرباط, - ar-Rabāṭ, neo ar-Ribāṭ). Anns a’ bhliadhna 2007 bha mu 1.7 millean duine a’ fuireach ann. Tha am baile suidhichte air a' Chuan Siar aig inbhir Abhainn Bou Regreg. Tha Rabat 1,570km air falbh bho Thunis (Tuinisia), 946km bho Algiers (Aildiria), 1,857km bho Tripoli (Libia), 995km bho El Aaiún (Sathara an Iar), agus 776km bho Mhadrid (An Spàinn).[1] Tha e suidhichte air an àirde an iar-thuath na dùthcha, aig 24m os cionn ìre na mara.[2]

'S e Rabat an dàrna baile as cudthromaiche den dùthaich às dèidh Casablanca. Chaidh am baile a stèidheachadh mar thuineachadh anns an 3mh linn RC. B’e Chellah an t-ainm a bha air aig an àm.[3] Anns a' bhliadhna 40 AD bha am baile fo smachd nan Ròmanach, an uair sin (250 AD) fo smachd nam Berber.

Chaidh ainm a’ bhaile atharrachadh gu Ribatu l-Fath (a’ ciallachadh: "daingneachd a' bhuaidh-làraich,"). Thàinig an t-ainm Rabat bhon ainm sin. Chaidh Tùr Hassan, neo Tour Hassan (Arabais: صومعة حسان) a thogail anns a’ bhliadhna 1195.[4] Mhiannaich an Sultan Yacoub al-Mansour am minaret agus am mosg as motha air feadh an t-Saoghail a thogail. Ach chuir bàs an t-Sultan stad air an obair.

Daoine Ainmeil[deasaich | deasaich an tùs]

Bailtean Co-cheangailte[deasaich | deasaich an tùs]

Dealbhan[deasaich | deasaich an tùs]

Ceanglaichean A-mach[deasaich | deasaich an tùs]

Iomraidhean[deasaich | deasaich an tùs]

  1. Distance Calculator
  2. Mongabay
  3. C. Michael Hogan, Chellah, The Megalithic Portal, ed. A. Burnham, [1]
  4. Encyclopedia Brittanica online
  5. Lisboa Câmara Municipal
  6. Ciudad de Madrid
Commons
Tha dealbhan ann an Wikimedia Commons cuideachd a tha ceangailte ris an aiste seo: