Jump to content

Sòdhaigh

O Uicipeid
Sòthaigh
Acarsaid Sòthaigh
Suidheachadh
Dùthaich Alba
Innis-mhuir An t-Eilean Sgitheanach
Co-chomharran 57° 9' 0" T
6° 13' 48" I
Feartan fiosaigeach

Cleachdaidhean eile aig Sodhaigh (soilleireachadh)

'S e aon de na h-eileanan anns na h-Eileanan a-staigh a tha ann an Sòdhaigh. Thàinig an t-ainm aige bhon fhacal Seann Lochlannais so-øy, a tha a’ ciallachadh “Eilean nan caoraich”.

Cruinn-eòlas[deasaich | deasaich an tùs]

Tha Sòdhaigh suidhichte dìreach san àird a deas an Eilean Sgitheanach, an t-eilean as motha de na h-Eileanan a-staigh. Tha an Soay Sound eadar an Eilean Sgitheanach agus Sòdhaigh. Tha Rùm san àird a deas dheth.

Tha Sòdhaigh cho farsaing ri 10,4 km2. Le 141 m a dh’àrd, 's e Beinn Bhreac a’ bheinn as motha a tha air an eilean. San àird a tuath tha Acarsaid Sòdhaigh agus san àird a deas tha Camas nan Gall ann. 'S e Mol-chlach faisg air cladach Camas nan Gall an clachan as motha, sa’ bhliadhna 2001 bha seachdnar a’ fuireach ann agus an sin 2011 dìreach aonar.[1]

Eachdraidh[deasaich | deasaich an tùs]

Factoraidh òla

'Sa bhliadhna 1851 bha 158 de shluagh ann. Ach aig àm nan Fuadaichean, dh’fheumadh a-uile duine an eilean fhagail airson Sòdhaigh a chur fo chaoraich.[2]

Ann an 1946 cheannaich an sgrìobhadair Gavin Maxwell an t-eilean agus chuir e factoraidh air bhonn airson ola a dhèanamh à cearbanan mòra (Laideann: Cetorhinus maximus). Ach an dèidh trì bliadhnaichean b’fheudar dha am factoraidh a dhùnadh.[3]Gus na làithean an-diugh chan eil mòran cearbanan air fhagail timcheall air Sòdhaigh.

Ann an 1953 dh’imrich an cuid as motha de mhuinntir an àite a Mhuile. Bhon àm sin chan eil mòran dhaoine a’ fuireach ann.

B’ ann ann an Sòdhaigh a bha a’ ciad siostam fòn air feadh an t-saoghail a bha ag obrachadh le cumhachd na grèine.

Stampaichean[deasaich | deasaich an tùs]

Eadar 1965 is 1967 chaidh stampaichean air foillseachadh ann an Sòdhaigh. Bha iad a’ sealltainn ìomhaighean na h-Eòrpa. Bha cuid a' sealltainn Winston Churchill cuideachd. Ged a bha an fheadhainn seo foillsichte gun chead, tha cruinnichean-stampaichean gan iarraidh fhathast. [4]

Giùlan[deasaich | deasaich an tùs]

S’ urrainnear a dhol a Shòdhaigh le bàta à Ealaghol.

Leabhraichean[deasaich | deasaich an tùs]


Iomraidhean[deasaich | deasaich an tùs]

  1. 2011 Census: First Results on Population and Household Estimates for Scotland - Release 1C (Part Two)”. Air a thogail 15mh dhen Dàmhair 2023 (pdf).
  2. Perrott, David (1988): Guide to the Western Islands of Scotland. Edinburgh: Kittiwake. ISBN 0702808865. 
  3. Soay Overview”. Gazetteer for Scotland. Air a thogail 22mh dhen Iuchar 2007.
  4. Modern British Local Posts CD Catalogue, 2009 Edition”. Phillips. Air a thogail 8mh dhen Dùbhlachd 2008.

Ceanglaichean a-mach[deasaich | deasaich an tùs]

Tha dealbhan ann an Wikimedia Commons cuideachd a tha ceangailte ris an aiste seo: