Asaint
| Asaint | |
 Caisteal Ardvreck; fodha, Cataibh, tha Asaint san iar | |
| |
| Suidheachadh | |
| Dùthaich | Alba |
| Sgìre | Cataibh |
| Baile as motha | Loch an Inbhir |
| Co-chomharran | 58° 46′ 57.28″ T 5° 6′ 25.62″ I |
| Comharradh-clèithe | NC2092 |
| Feartan fiosaigeach | |
| Àireamh-shluaigh | 1,011 (2011[1]) |
| Fios Eile | |
| Cànan | Beurla, Gàidhlig, Beurla Gallda |
| Àireamh fòn | 01571 |
'S e sgìre ann an ceann an iar-thuath na h-Alba a tha ann an Asaint no Asainn. Tha i na pàirt den t-siorrachd tradaiseanta Cataibh. Tha Asaint suidhichte tuath air Ulapul. Thàinig an t-ainm bhon t-seann Lochlannais agus tha e a' ciallachadh 'deireadh na droma'.[2] 'S e Loch an Inbhir am baile as motha ann an Asaint.
Cruth na tìre
[deasaich | deasaich an tùs]Tha Asaint ainmeil airson na feartan-tìre aige. Tha Uamh An Claonaite, an uamh as fhaide ann an Alba mu chòig mìltean deas air Innis nan Damh.[3] Tha tèarmannan-nàdair ann mar an Inverpolly Nature Reserve agus Creag a' Chnocain le ionad-fiosrachaidh mu eòlas-talmhainn den Moine Thrust. Tha na beanntan ann an Asaint, m.e. a' Chuineag, Canisp, Suilven, Cùl Mòr, Stac Pollaidh is Ben More Assynt a' tarraing mòran luchd-turais.
Oighreachd Asaint a Tuath
[deasaich | deasaich an tùs]Tha a' chuid as motha de dh'Asaint aig Oighreachd Asaint a Tuath. Cheannaich iad am fearann ann an 1992 an dèidh strì fada leis an Scandinavian Property Services Limited a bha airson an oighreachd a bhriseadh sìos ann am pìosan beaga.
Gu ìre mhòr tha bailtean croitearachd ann an Asaint: Torbreck, Achadh Mhealbhaich, Clach Toll, an Clais Mòr, Baile a' Chladaich, Ardnacarin, an Cùl-cinn, Raffin, an Stòr, Clais an Easaidh, Cùl-Cinn an Droma Bhig, an Druim Beag agus an Nead. Chaidh iad uile a stèidheachadh aig Àm nam Fuadaichean. Tha timcheall air 1000 duine a' fuireach an seo, le dìreach ¼ dhiubh nach robh a' dèanamh a' bheòshlainte à croitearachd.
Leabhraichean
[deasaich | deasaich an tùs]- MacAskill, John (1999) We have won the land: the story of the purchase by the Assynt Crofters' Trust of the North Lochinver Estate. Stornoway:Acair. ISBN 0861522214
Faic cuideachd
[deasaich | deasaich an tùs]- Cur Cùlaibh ri Asainte (òran)
Iomraidhean
[deasaich | deasaich an tùs]- ↑ Cunntas-sluaigh 2011
- ↑ Iain Mac an Tàilleir, "Ainmean-àite", duilleag 9, Pàrlamaid na h-Alba
- ↑ "Peter Glanvill Photography: Claonaite" darkanddeep.co.uk. a' tarraing 31mh dhen Iuchar 2011 .
Ceanglaichean a-mach
[deasaich | deasaich an tùs]
- Assynt Crofters' Trust
- Assynt Foundation
- Discover Assynt
- Gazetteer for Scotland
- Assynt's geology
- Lochinver.bordernet (Eachdraidh urras croitearan Asaint)
- BBC Naidheachdan 2015-11-24: Carragh-cuimhne Ailein MhicRath
| Bailtean | Àird Ghaoithe • Brùra • Bun Ilidh • Caisteal Dhùn Robain • Ceann a' Bhràiste • Cinn Donnain • Cùil Rathain • Dail Healabhaig • Diùranais • Fors An-Àird • Goillspidh • Inbhir Sin • Innis nan Damh • Loch an Inbhir • Luirg • Sgìre Raoird |
| Cruinn-eòlas | An Caol Catach • Beinn Chlìbric • Beinn Hòb • Beinn Mhòr Asaint • Cona Mheall • Loch Sìn • Am Parbh |
| Roinnean | Asaint • Dùthaich MhicAoidh • Srath Nabhair |