Nicola Sturgeon

O Uicipeid
Gearr leum gu: seòladh, lorg
Nicola Sturgeon 

BPA

Nicola Sturgeon

Sealbhadair
Gabhail rèim
20 an t-Samhain 2014
Aon-fhlath Ealasaid II
Roimhe Ailig Salmond

Breith 19 an t-Iuchar, 1970
Irbhinn
Pàrtaidh
poileataigeach
Pàrtaidh Nàiseanta na h-Alba
Pòsadh Peter Murrell
Alma mater Oilthigh Ghlaschu

'S e neach-poileataigs Albannach, Prìomh Mhinistear na h-Alba, agus ceannard a’ Phàrtaidh Nàiseanta a tha ann an Nicola Ferguson Sturgeon, BPA (rugadh 19 an t-Iuchar 1970). Mar Bhall Pàrlamaid na h-Alba tha i a' riochdachadh Glaschu Taobh a Deas.

Rugadh Nicola Sturgeon ann an Irbhinn, Siorrachd Àir, fhuair i a cuid sgoile aig Acadamaidh Greenwood, agus choisinn i ceum LLB (Urram) ann an lagh agus Dioplòma ann an Gnàthas Lagha aig Oilthigh Ghlaschu. Bha i ag obair ’na neach-lagha aig Ionad Comhairle Lagha is Airgid ann an Druim a' Chapaill, Glaschu mus deach a taghadh mar bhall-pàrlamaid roinneil airson baile Ghlaschu ann an 1999. Riochdaich i Glaschu mar bhall liosta eadar 1999 is 2003 agus Glaschu Baile a' Ghobhainn mar bhall roinne-phàrlamaid eadar 2007 agus 2011 nuair a chaidh na crìochan taghaidh atharrachadh.

Ann an Riaghaltas na h-Alba bha i ann an dreuchd Rùnaire Caibneit na Slàinte eadar an Céitean 2007 agus an t-Sultain 2007, agus ann an dreuchd Rùnaire Caibneit airson Bun-structair In-ionmhais agus Bhailtean le dleastanasan airson ro-innleachd an riaghaltais agus na bun-reachd gus an t-Samhain 2014. Bha i cuideachd ’na Leas-phrìomh-mhinistear aig an àm sin.

Chaidh a taghadh mar Cheannard Pàrtaidh Nàiseanta na h-Alba air 14 an t-Samhain 2014 agus ghabh i dleastanasan a’ Phrìomh Mhinisteir os làimh air 20 an t-Samhain 2014. Thug i seachad Òraid an t-Sabhail aig Sabhal Mòr Ostaig ann an 2015. Tha i a’ fuireach ann an Glaschu cuide ris an duine aice, Peter Murrell, àrd-oifigear gnìomha Pàrtaidh Nàiseanta na h-Alba.

Ceanglaichean a-mach[deasaich | deasaich an tùs]