Cúcuta

Cúcuta

municipality of Colombia, baile mòr, border city, baile susbainteach, metropolitan area

Cur air cois	17 dhen Ògmhios 1733
Dùthaich	Coloimbia
Prìomh-bhaile de	Norte de Santander
Sgìre riaghaltais ionadail	Norte de Santander
Faisg air an uisge	Pamplonita River, Zulia River, Táchira River
Domhan-leud is -fhad	7°54′27″N 72°30′17″W
Baile-céile	Comayagua
Tachartas	Siege of Cúcuta
Làrach-lìn	http://cucuta-nortedesantander.gov.co
Bratach	flag of Cúcuta
Geography of topic	geography of Cúcuta
Economy of topic	economy of Cúcuta
Category for maps	Category:Maps of Cúcuta

‘S e prìomh-bhaile na roinne Norte de Santander, ann an Coloimbia, a th’ ann an Cúcuta 'ku.ku.ta, neo San José de Cúcuta. Tha e suidhichte aig 320m os cionn ìre na mara is tha e 568km air falbh bho Bhogotá. agus tha teodhachd meadhan dhe 28° aige, rè a’ bhliadhna. Chaidh am baile a stèidheachadh ann an 1733 anns an sgìre ris an canar Sliabh an Ear (Spàinntis: La Cordillera Oriental) anns na h-Andes. Tha eaconomaidh làidir aig a’ bhaile, stèidhichte air sreath fhada dhe gnìomhachasan leis gu bheil am baile dìreach ri taobh na crìochan leis A' Bheiniseala. Tha àireamh-shluaigh dhe 587,676 aig a' bhaile fhèin ann an 2005, a-rèir a’ chunntas-sluaigh mu dheireadh. 'S e Cúcuta an 6mh baile as motha na dùthcha. agus an 72mh baile as motha ann an Aimearaga-Laideannach Chaidh am baile a stèidheachadh ann an 1733.

Freumhan an ainm

Mar a b' àbhaist ann an Aimearaga, chaidh ainmean-àite a chruthachadh le freumhan anns na creideamhan nan Spàinnteach: m.e. Sante Fe de Bogotá, San Bonifacio de Ibagué agus Santiago de Cali. Mar sin, fhuair am baile an t-ainm aige bho Naomh Seosaiph, neo José ann an Spàinntis. Thathar ag ràdh gu bheil Cúcuta a' ciallachadh Taigh na Daoine Sìthe ann an Cànan Bari. Tha feadhainn eile a' mìneachadh gur e Kuku-uta an seann ainm a bh' air a' bhaile agus gu bheil sin a' ciallachadh Taigh an Diabhail ann an cànan Tùsanach.

Sluagh a' bhaile

Ged a tha 587,676 nan tàmh anns a' bhaile, chan eil ach 20,012 dhuibh a' fuireach anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poileataigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

A thaobh chinnidhean, 's iad daoine geala/mestizos a th' ann a' mhòr-chuid dhe na daoine ann an Cúcuta, ach tha 0.86% dhe Tùsanaich agus 1.02% dhe daoine le freumhan ann an Afraga. 'S urrainn dha 92.2% dhe na daoine ann an Cúcuta leughadh agus sgrìobhadh. A tuilleadh air sin, tha fòn aig an taigh aig 48.5% dhe na dachannan.

Fèisean

Thathar a’ cumail am iomadach seòrsa dhe fhèis ann an Cúcuta. Chithear fèilltean caitligeach, leis gur e dùthaich le mòr-chuid Chaitligeach a th' ann fhathast, fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Bailtean co-cheangailte

• Bucaramanga, Colombia.
• San Cristóbal, A' Bheiniseala.
• San Antonio del Táchira, A' Bheiniseala.
• Zaragoza, An Spàinn

Daoine ainmeil

• Francisco de Paula Santander (1792–1840): Ceann suidhe na dùthcha eadar 1819 agus 1826.
• Virgilio Barco Vargas (1921–1997): Ceann suidhe na dùthcha eadar 1986 agus 1990.

Ceanglaichean a-mach

• An t-sìde ann an Cúcuta

Iomraidhean

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga  • Cartagena  • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta  • Sincelejo • Tunja • Valledupar • Villavicencio • Yopal