Santa Marta (baile)
_-_Edificio_de_los_Bancos_en_el_Parque_Simón_Bolívar.jpg)
| Cur air cois | 29 dhen Iuchar 1525  |
|---|---|
| Ainm oifigeil | Santa Marta |
| Ainm dùthchasach | Santa Marta |
| Tar-sgrìobhadh IPA | ˌsanta ˈmaɾta |
| Ainmichte às dèidh | Martha |
| Neach bhon àite | Samario |
| Stèidhichte le | Rodrigo de Bastidas |
| Dùthaich | Coloimbia |
| Prìomh-bhaile de | Magdalena |
| Sgìre riaghaltais ionadail | Magdalena |
| Roinn-tìde | UTC−05:00 |
| Domhan-leud is -fhad | 11°14′10″N 74°12′6″W |
| Baile-céile | Acapulco de Juárez, Moyobamba |
| Còd-puist | 470001–470017 |
| Làrach-lìn | http://www.santamarta-magdalena.gov.co/ |
| Patron saint | Martha |
| Category for maps or plans | Category:Maps of Santa Marta |
'S e baile ann an Magdalena, Coloimbia,[1] a th'ann Santa Marta. Tha e suidhichte dìreach air oirthir A' Chairibìan le tràighean òr-bhuidhe air a bheulaibh agus beanntan na Sierra Nevada de Santa Marta air a chùlaibh, 904km air falbh bho Bhogotá.[2] Tha àirde meadhanach dhe 6m os cionn ìre na mara leis gur e port a th’ann, ach tha am beinn leis an canar Pico Colón suidhichte aig 5,775 os cionn ìre na mara. 'S e baile le gnàth-shìde gu math teth a th' ann le teodhachd mu 34˚ thar cheann, rè na bliadhna, ach tha gnàthan-shìde eile shuas air a’ mhòintich. Chaidh am baile a stèidheachadh ann an 1525. 'S e Santa Marta an 11mh baile as motha na dùthcha.[3]
Freumhan an Ainm
[deasaich | deasaich an tùs]Mar a b'àbhaist ann an Aimearaga, chruthachadh na Spàinntich ainmean-àite le freumhan anns na creideamhan aca neo mar chuimhne air àiteachan agus daoine ainmeil thall anns an Spàinn: m.e. Sante Fe de Bogotá, San Bonifacio de Ibagué agus Santiago de Cali. Mar sin, fhuair am baile an t-ainm aige oir chaidh e a steidheachadh air an latha aig Naomh Martha,[4] neo Marta ann an Spàinntis. Tha santo/a a' ciallachadh naomh.[5]
Sluagh a' bhaile
[deasaich | deasaich an tùs]Ged a tha 415,272 nan tàmh anns a' bhaile, chan eil ach 30,148 dhuibh a' fuireach anns na sgìrean dùthchasail am broinn crìochan a' bhaile.[6] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[7] Air adhbharan trioblaidean poileataigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.
Taobh chinnidh, ' s e daoine geala a th'ann a' mhòr-chuid dhe na daoine ann an Santa Marta (is mòran dhuibh mestizos). ‘S e Tùsanaich a th’ann an 1% agus tha 7.6% dhe daoine le freumhan ann an Afraga. ' S urrainn dhan 91.6% dhe na daoine ann an Santa Marta leughadh agus sgrìobhadh. A tuilleadh air sin, tha fòn aig an taigh aig 46.2% dhe na dachannan.[8]
Fèisean
[deasaich | deasaich an tùs]Thathar a’ cumail am iomadach seòrsa dhe fhèis ann an Santa Marta. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[9] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.
- Fèis an Neo-eisimeileachd: 20mh An t-Iuchar.
Bailtean Co-cheangailte
[deasaich | deasaich an tùs]
Miami Beach, Stàitean Aonaichte.[10]
Daoine Ainmeil
[deasaich | deasaich an tùs]- José María Campo Serrano (1832–1915): Ceann-suidhe na dùthcha eadar 1886 agus 1887.
Chaochail Simón Bolívar, saoradair Aimearaga a Deas an seo ann an 1830.
Oilthighean
[deasaich | deasaich an tùs]Iomraidhean
[deasaich | deasaich an tùs]Ceanglaichean a-mach
[deasaich | deasaich an tùs]
Arauca • Armenia • Barranquilla • Bogotá • Bucaramanga • Cartagena • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta • Sincelejo • Tunja • Valledupar • Villavicencio • Yopal
