Dessau-Roßlau

Dessau-Roßlau


	Gearradh-arm no Seula

Suidheachadh

Dùthaich

A' Ghearmailt

Sgìre

Sagsainn-Anhalt

Co-chomharran

51° 51' 38' Tuath
12° 14' 49' Ear

Feartan fiosaigeach

Farsaingeachd

244.74 km²

Àireamh-shluaigh

84,606 (2013)

Dlùths

345.7/km²

Àireamh fòn

+49 (0)340 agus (0)34901

Duilleag oifigeil

A' Chomhairle

‘S e baile mòr faisg air Bernburg agus Köthen air an àirde an ear na Gearmailte a th’ ann an Dessau-Roßlau. Chaidh a chruthachadh ann an 2007 nuair a chuireadh Dessau agus Roßlau ri chèile. Tha e suidhichte aig 59m os cionn ìre na mara, aig comar nan aibhnichean Mulde agus Elbe, anns an stàit Sagsainn-Anhalt. Tha am baile 135km air falbh bho Dhresden, 181km bho Hànobhar, 56km bho Leipzig agus 111km bho Bherlin.^[1] Tha 84,606 duine a' fuireach ann.^[2] 'S ann à Tis (Iubhar) ann an Slàbhais agus Aue (Innis) anns Gearmailtis a tha an t-ainm.

Eachdraidh

Chaidh Dessau a chlàradh airson a' chiad turais ann an 1213 mar Dissowe. Ràinig Martin Luther agus An t-Ath-Leasachadh ann an 1534, ach cha do ghabh am baile ris ach an ceann 11 bliadhna làn còmhstri agus connspaid, gus a fhuair na Pròstanaich làmh an uachdair ann an 1545.^[3] B' e prìomh-bhaile na Prionnsalachd Anhalt a bh' ann bho 1570 gu ruige 1603 agus an nuair sin na stàite Diùcachd Anhalt-Dessau gu ruige 1863, nuair a chaochail an diùc mu dheireadh gun chlann.^[4] Chaidh an sgoil-ailtireachd Bauhaus gluasad bho Weimar gu Dessau ann an 1925,^[5] oir bha na Nàsaich an tòrr oirre. Dhùnadh i ann an 1931 agus cha do dh'fhosgail i a-rithist ach ann an 1986. Fhuair an sgoil sin dìon fo sgèith UNESCO ann an 1996.^[6] 'S ann ann an Dessau far a dhèanadh an gas Zyklon B, a chaidh a chleachdadh anns na campaichean a stèidhich na Nàsaich gus na h-Iùdhaich agus eile a mharbhadh.^[7] Bhathar ga dhèanamh aig an t-seann taigh-gnìomhachais siùcair Dessauer Zuckerrraffinerie GmbH, eadar 1942 agus 1945. Air 7 am Màrt 1945 rinn feachdan nan Stàitean Aonaichte lèir sgrios air a' bhaile agus an ceann sia seachdain ghèill am baile dhiubh.^[8]

Daoine Ainmeil

Moses Mendelsohn: 1729 - 1786
Kurt Weil - 1900: 1950^[9]

Bailtean Co-cheangailte

Iomraidhean

Ceanglaichean a-mach

Riaghaltas Sagsainn-anhalt

[1] Luft Linie

[2] Destatis

[3] Luther 2017

[4] Almanach de Gotha

[5] Bauhaus

[6] UNESCO

[7] Zyklon B

[8] Unversity of Exeter

[9] Kurt Weill

[1]

[2]

[3]

[4]

[5]

[6]

[7]

[8]

[9]