Brian Ó hEadhra

O Uicipeid
Jump to navigation Jump to search
Brian Ó hEadhra
Beatha
Breith Baile Àtha Cliath
Dùthaich  Poblachd na h-Èireann
Àite-fuirich Inbhir Nis
Foghlam
Cànain Gàidhlig
Beurla
Gàidhlig na h-Èireann
Dreuchd
Dreuchd seinneadair is sgrìobhaiche
Ballrachd Cruinn

'S e seinneadair Gàidhlig agus ceòladair a th' ann am Brian Ó hEadhara. Tha e a-nis a' cluich leis a' chòmhlan Cruinn, le Charlie McKerron agus Sandy Brechin sa chòmhlan MacKerron, Brechin & Ó hEadhra, agus mar chàraid le Fiona NicCoinnich.[1]  Tha e cuideachd ag obair ann an leasachadh ealain is cultar Gàidhlig is e an-dràsta na Oifigear Ealain is Cultar aig Bòrd na Gàidhlig.

Beatha[deasaich | deasaich an tùs]

Rugadh Ó hEadhra ann am Baile Àtha Cliath.[2] 'S ann à St Catherine’s, Ontario a tha a mhàthair agus 's ann à Dùn na nGall, Éire, a tha athair.[2] Tha a phàrantan cuideachd nan ceòladairean.

Dh'imrich an teaghlach gu Talamh an Èisg ann an 1973 is e na bhalachan. An siud, chunnaic Ó hEadhra cultar nan Gàidheal gu dùthchasach, beò sa choimhearsnachd. Bha athar, Aidan, a' rannsachadh eachdraidh agus beul-aithris aig Oilthigh Memorial an St John’s.[2] Chruinnich Aidan beul-aithris Èireannach o Cape Shore a tha ri fhaotainn a-nis air-loidhne leis Taisce Cheol Dúchais Éireann. Thill an teaglach a Bhaile Àtha Cliath ann an 1978.[2]

Anns na 1990an, rinn e ceum ann an litreachas na Beurla agus beul-aithris Èireannach aig Colaiste Oilthigh Bhaile Àtha Cliath. Dh'ionnsaich e Gàidhlig aig Sabhal Mòr Ostaig ann an 1999 far an do rinn e an Cùrsa Comais.[3]  

Tha e pòsta aig Fiona NicCoinnich.

Beatha-obrach[deasaich | deasaich an tùs]

A bharrachd air obraichean co-cheangailte ri ciùil, tha Ó h Eadhra air obair eile a dhèanamh ann an saoghal na Gàidhlig. Nam measg, bha e na oifigear leasachaidh aig Comunn na Gàidhlig; rinn e clasaichean Ùlpan agus trèanadh ann an Gàidhlig; agus seirbheisean eadar-theangachaidh mar aon (Gaidhlig gu Beurla).[3]

Ceòl[deasaich | deasaich an tùs]

Bidh Brian a' seinn agus a' cluich giotàr. Bidh e a' sgrìobhadh amhrain ann am Beurla, Gaeilge agus Gaidhlig.

Chuir e air bhonn an còmhlan Anam tràth sna 1990an nuair a bha e na oileanach. Rinn iad ceithir clàran còmhla gus an do sguir iad ann an 2005.[3]

Le Cruinn, fhuair e nomination airson Best Traditional Track aig an BBC Radio 2 Folk Awards an 2015 airson an òrain 'Manus Mo Rùin'.

Ann an 2018, rinn Ó hEadhra clàr le Fiona NicCoinnich mar chàraid airson a' chiad turais. Rinn iad clàradh ann an Leòdhas is Glaschu.

Obair le ceòl[deasaich | deasaich an tùs]

Bha Ó hEadhra roimhe na Stiùiriche Ealain aig an fhèis 'Blas'.[3] Bha e na mhanaidsear aig ionad ealain Taigh Dhonnchaidh, Nis, Leòdhas.[3]  Tha e a-nis na co-stiùiriche aig an fhèis Geiteberg Folk Festival ann an Nirribhidh.  Bidh an fhèis a' comhrachadh cultar is ceòl bho na dùthchanan Lochlannach is Ceilteach.[3]  

Clàran[deasaich | deasaich an tùs]

le Anam[deasaich | deasaich an tùs]

  • 1994 - Anam
  • 1998 - First Footing
  • 1999 - Riptide
  • 2000 - Tine Gheal

le Christine Primrose[deasaich | deasaich an tùs]

  • 2003 - An Turas

na aonar[deasaich | deasaich an tùs]

  • 2005 - Life
  • 2011 - An t-Allt

le MacGregor, Brechin & Ó hEadhra[deasaich | deasaich an tùs]

  • 2008 - Sonas

le Cruinn[deasaich | deasaich an tùs]

  • 2013 - Cruinn
  • 2014 - Stòras

le Fiona NicCoinnich[deasaich | deasaich an tùs]

  • 2018 - TÌR - Highland Life & Lore

le iomadh ceòladair[deasaich | deasaich an tùs]

  • 2007 - Dhachaigh | Home - The Murdo Macfarlane Songbook
  • 2010 - The Complete Songs of Robert Tannahill - Vol 2
  • 2013 - The Complete Songs of Robert Tannahill - Vol 3
  • 2014 - Struileag - Children of the Smoke

Iomraidhean[deasaich | deasaich an tùs]

  1. Mu/About”. brianoheadhra.com. Air a thogail 12mh dhen Dùbhlachd 2018.
  2. 2.0 2.1 2.2 2.3 Newton, Michael (23mh dhen t-Sultain 2018): “Interview with Brian Ó hEadhra(Beurla). Gaelic USA. Air a thogail 12mh dhen Dùbhlachd 2018.
  3. 3.0 3.1 3.2 3.3 3.4 3.5 Ó hEadhra, Brian: “Dé tha dol?(Gàidhlig). brianoheadhra.com. Air a thogail 12mh dhen Dùbhlachd 2018.

Ceanglaichean a-muigh[deasaich | deasaich an tùs]