Maighread Stiùbhart

O Uicipeid
Jump to navigation Jump to search
Maighread Stiùbhart
Margaret Stewart.jpg
Beatha
Breith 12 dhen Ògmhios 1956
Foghlam
Cànain Gàidhlig
Dreuchd
Dreuchd seinneadair
Taigh-clàraidh Greentrax Recordings

'S e seinneadair Gàidhlig a th' ann am Maighread Stiùbhart (Beurla: Margaret Stewart).

Beatha[deasaich | deasaich an tùs]

Rugadh agus thogadh Maighread ann an Col Uarach, Leòdhas.[1] 'S e Gàidhlig a' chiad chànan aice.[2] Bha i a’ fuireach thall thairis airson pàirt dha beatha; ann a' Bhenesuèla, an Canada, ann an Qatar agus 's an Ear Mheadhanach.[3]

Bha i ‘g obair air a' phròiseact Tobar an Dualchais far an robh i mar phàirt den phrìomh sgioba a bha an urra ri catalog a dheasachadh de na h-òrain a th' ann an tasglann Sgoil Eòlais na h-Alba.[3] Chleachd i tasglann na Sgoile airson iomadh òran a rannsachadh agus tha cuid dhiu sin am measg nan òran a tha i seinn air na trì chlàr aice: Fhuair mi Pòg, Colla Mo Rùn agus Togaidh Mi Mo Sheòlta (2008).[4]

Seinn agus Ceòl[deasaich | deasaich an tùs]

Nuair a bha i òg, bha i dèidheil air seinn is bha òrain agus bàrdachd mun cuairt oirre sa choimhearsnachd agus am measg an teaghlach aice.[3] Bhiodh i tric a' gabhail pàirt anns na mòdan ionadail.[3]

Tha i air a bhith seinn aig iomadh fèis-chiùil ainmeil leithid Fèis Eadar-Nàiseanta Dhùn Èideann, Celtic Connections, Celtic Colours ann an Ceap Breatainn, Piping Live, Sgoil Samhraidh Willie Clancy agus Fèis Ealain Earagail an Dùn nan Gall.[3] Tha i cuideachd air a bhith ag obair mar neach-teagaisg seinn agus na h-òraidiche aig leithid Ceòlas an Uibhist a Deas, Fèis Willie Clancy an Èirinn agus aig Sabhal Mòr Ostaig[3] far am bi i cuideachd a stiùireadh cùrsaichean goirid air cultar dùthchasach, eachdraidh agus òrain Ghàidhlig. Bha i bho àm gu àm a' teagasg ann an Sgoil Ciùil a' Phluic agus ann an Conservatoire Rìoghail na h-Alba. Ann an 2012, b' i Ceòladair na Colaiste a bh' innte aig Sabhal Mòr Ostaig.[5]

Duaisean[deasaich | deasaich an tùs]

Choisinn i am Bonn Òir aig a' Mhòd Nàiseanta ann an 1993 anns an Àrd Ruighe.[6]

Chaidh duais 'Seinneadair Gàidhlig na Bliadhna' a bhuilealchadh orra ann an 2008.[3]

Clàran[deasaich | deasaich an tùs]

  • Fhuair Mi Pòg (le Ailean Dòmhnallach) (1998) - CDTRAX132
  • Colla Mo Rùn (le Ailean Dòmhnallach) (2001) - CDTRAX217
  • Togaidh Mi Mo Sheòlta (2008) - CDTRAX311

Na h-Aoigh air Clàran eile[deasaich | deasaich an tùs]

Tha Maighread a' seinn cuideachd air iomadh clàr eile na h-aoigh agus air co-chruinneachaidhean.

  • Gaelic Women (Ar Cànan ‘s Ar Ceòl) (1999) - CDTRAX172
    • An t-Slige Chreachain
  • Òrain Nan Gàidheal - The Song Of The Gael - CDTRAX5008
  • The Best Of Scottish Music Vol 2 (Greentrax 15th Anniversary) (2001) - CDTRAX215
    • O Mhàiri 'S Tu Mo Mhàiri
  • The Music And Song Of The Great Tapestry Of Scotland (2012) - CDTRAX372D
    • Clann Dòmhnaill An Cogadh Rìgh Teàrlach
  • The Scottish Diaspora: The Music & The Song (2014) - CDTRAX380
    • Tha Mi Sgith 'n Fhogar Seo
    • Oran a Mhetaghama
    • Cuma do na Fearaibh
    • Ged Tha Mi Gun Chrodh Gun Aighean

TBh[deasaich | deasaich an tùs]

Innsean an Iar (2013)[deasaich | deasaich an tùs]

Òrain air a sheinn le Maighread airson an t-sreath TBh aig a' BhBC Innsean an Iar

Iomraidhean[deasaich | deasaich an tùs]

  1. Fiosrachadh beatha - Maighread Stiùbhart-Harding(Gàidhlig). Tobar an Dualchais. Air a thogail 4mh dhen t-Samhain 2017.
  2. Fiosrachadh mu Mhaighread(Beurla). margaretstewart.com. Air a thogail 4mh dhen t-Samhain 2017.
  3. 3.0 3.1 3.2 3.3 3.4 3.5 3.6 Maighread Stiùbhart(Gàidhlig). BBC Bliadhna nan Òran. Air a thogail 6mh dhen t-Samhain 2017.
  4. Margaret Stewart - Togaidh Mi Mo Sheolta”. Greentrax Recordings. Air a thogail 7mh dhen t-Samhain 2017.
  5. Sabhal Mòr Ostaig (5mh dhen Ògmhios 2012): “Luchd-ealain air Mhuinntireas aig Sabhal Mòr Ostaig,” ann an: Cuairt-litir, leabhar Earrach 2012, td. 11.
  6. Dealbh: James Gunn and Margaret Stewart, Mòd Gold Medallists, 1993 ann an Aithris, Àir. 8, Samhradh 1993, d.11 (Steòrnabhagh: An Comunn Gàidhealach)

Ceanglaichean a-mach[deasaich | deasaich an tùs]