Riohacha (baile)

Riohacha


Bratach a' bhaile	Gearradh-arm no Seula

Mapa a' bhaile

Sealladh air a' bhaile

[[Faidhle: |300px]]

Suidheachadh

Dùthaich

Coloimbia

Roinn

La Guajira

Àirde

5m

Co-chomharran

11º 32' 40' Tuath
72º 54' 26' Iar

Feartan fiosaigeach

Farsaingeachd

5,020 km²

Àireamh-shluaigh

167,865 (2005)

Dlùths

33.44/km²

Duilleag oifigeil

Comhairle a’ Bhaile

'S e prìomh-bhaile na roinne La Guajira, Coloimbia,^[1] a th' ann Riohacha. Tha e suidhichte ann an ceann a tuatha na dùthcha, 1,095km air falbh bho Bhogotá.^[2] dìreach air oirthir A' Chairibìan agus faisg air na crìochan leis A' Bheiniseala. Tha àirde meadhanach dhe 5m os cionn ìre na mara aige. 'S e baile le gnàth-shìde theth a th' ann le teodhachd meadhanach dhe 30˚ rè na bliadhna. Chaidh am baile a stèidheachadh ann an 1535. 'S e Riohacha an 32mh baile as motha na dùthcha.^[3]

Freumhan an Ainm

'S e Süchiimma an t-ainm Tùsanach a tha air a' bhaile. Tha am facal a' ciallachadh Tuagh na Tìre ann an Wayuunaika, teanga na Wayuu, bho Süchii (tuagh) agus Mma (tìr). Tha iad làidir fhathast anns a' bhaile.^[4] Fhuair am baile sreath dhe ainmean Spàinntis an dèidh ruigheachd nan Spàinnteach. Nochd baile beag Spàinnteach aig beul na h-Aibhne Río de La Hacha. Tha an t-ainm a'ciallachadh Abhainn an Tuaigh bho Río (Abhainn) bhon fhacal Laideann rius^[5] agus Hacha (tuagh) bhon fhacal Laideann fascula.^[6] Mar a b'àbhaist ann an Aimearaga, chaidh ainmean-àite a chruthachadh le freumhan anns na creideamhan nan Spàinnteach: m.e. Sante Fe de Bogotá, San Bonifacio de Ibagué agus San Juan de Pasto. Mar sin, fhuair am baile an t-ainm Nuestra Señora Santa María de los Remedios del Río de la Hacha, mar chuimhne air Moire, màthair Iosa.^[7]

Sluagh a' bhaile

Ged a tha 167,865 nan tàmh anns a' bhaile, chan eil ach 31,682 dhuibh a' fuireach anns na sgìrean dùthchasail am broinn crìochan a' bhaile.^[8] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[9] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala a th'ann a' mhòr-chuid dhe na daoine ann an Riohacha (is mòran dhuibh mestizos). ‘S e Tùsanaich a th’ann an 20.3% agus tha 12.2% dhe daoine le freumhan ann an Afraga. ' S urrainn dhan 77.2% dhe na daoine ann an Riohacha leughadh agus sgrìobhadh. A tuilleadh air sin, tha fòn aig an taigh aig 26.2% dhe na dachannan.^[10]

Fèisean

Thathar a’ cumail am iomadach seòrsa dhe fhèis ann an Riohacha. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[11] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Ceanglaichean A-mach

An t-sìde ann an Riohacha

Iomraidhean

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga • Cartagena • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta • Sincelejo • Tunja • Valledupar • Villavicencio • Yopal

Tha dealbhan ann an Wikimedia Commons cuideachd a tha ceangailte ris an aiste seo:

Riohacha (baile)

[1] Dùthchannan aig SMO

[2] Invias

[3] Bailtean as motha na dùthcha

[4] Riohacha ann an Jetcost^{[dead link]}

[5] Real Diccionario de la Lengua

[6] Real Academia de la Lengua

[7] Fiosrachadh a' Chomhairle^{[dead link]}

[8] Figearan Oifis a' Chunntas-sluaigh

[9] Cololmbia Virtual

[10] Bileag fhiosrachaidh DANE

[11] Country Studies: Colombia

[1]

[2]

[3]

[4]

[5]

[6]

[7]

[8]

[9]

[10]

[11]