Alþýðuflokkurinn

Alþýðuflokkurinn Pàrtaidh nan Daoine
Fiosrachadh
Stèidheachadh	12 am Màrt 1916
Luchd-stèidheachaidh	Jón Baldvinsson Ólafur Friðriksson
Àite-Stèidheachaidh	Reykjavík
Beachd-smuainealas Eachdraidheil	Deamocrasaidh sòisealta

B' e partaidh poileatagach à Innis Tìle a bha a' gabhail ri poilitigs deamocratach sòisealta a bh' ann an Alþýðuflokkurinn (Gàidhlig: Pàrtaidh nan Daoine). Chaidh Alþýðuflokkurinn a stèidheachadh ann an Reykjavík ann an 1916 mar ghuth nan aonaidhean-ciùird. Cha d' fhuair e a' chiad þingmaður (Gàidhlig: ball-pàrlamaid) aige ach ann an 1920, nuair a chaidh Jón Baldvinsson a thaghadh. Thoisich Alþýðuflokkurinn ri fhàs an dèidh 1934, nuair a ghabh Innis Tìle ri riochdachadh co-rèireach. Bha triùir Forsætisráðherra (Gàidhlig: prìomh-mhinistear) aca: Stefán Jóhann Stefánsson (1947 - 1949), Guðmundur Emil Jónsson (1958 - 1959) agus Benedikt Sigurðsson Gröndal (1979 - 1980). Bha Alþýðuflokkurinn anns an riaghaltas ann an co-bhann le Sjálfstæðisflokkurinn bho 1959 gu ruige 1971. Sgarr buidheann òigridh na làimhe chlì on phartaidh ann an 1930, agus stèidhich iad pàrtaidh Comannach fa leth, air an robh Kommúnistaflokkur Íslands. ach thill iad ann an 1938. Dh'aontaich Alþýðuflokkurinn, Alþýðubandalagið, Kvennalistinn, agus Þjóðvaki – Hreyfing Fólksins ri Samfylkingin a stèidheachadh ann an 2000. A bharrachd air sin, b' ann gu Alþýðuflokkurinn a bhuinneadh Jóhanna Sigurðardóttir, a' chiad thè ann an eachdraidh na dùthcha agus a' chiad neach LCDT a bhios na Forsætisráðherra a-riamh, ro 1994.

Prìomh-mhinistearan

Bha triùir Forsætisráðherra (Gàidhlig: Prìomh-mhinistear) aige nuair a bha am pàrtaidh ann:

• Stefán Jóhann Stefánsson (1947 - 1949)
• Guðmundur Emil Jónsson (1958 - 1959)
• Benedikt Sigurðsson Gröndal (1979 - 1980)

Cinn-suidhe

On a ghabh Innis Tìle ris a' Phoblachd ann an 1944 tha dìreach aon duine a tha na bhall a' Phàrtaidh air a bhith na fhorseti (Gàidhlig: Cheann-suidhe):

• Ásgeir Ásgeirsson (1952 - 1968)

Cathraichean

• Ottó N. Þorláksson (1916)
• Jón Baldvinsson (1916–38)
• Stefán Jóhann Stefánsson (1938–52)
• Hannibal Valdimarsson (1952–54)
• Haraldur Guðmundsson (1954–58)
• Guðmundur Emil Jónsson (1958–68)
• Gylfi Þorsteinsson Gíslason (1968–74)
• Benedikt Sigurðsson Gröndal (1974–80)
• Kjartan Jóhannsson (1980–84)
• Jón Baldvin Hannibalsson (1984–96)
• Sighvatur Kristinn Björgvinsson (1996–98)
• Guðmundur Árni Stefánsson (1998–2000)

Taghaidhean dhan Alþing

Seo na torraidhean a fhuair Alþýðuflokkurinn anns na Taghaidhean dhan Alþing, 1942 nam measg, a-rèir Dieter Nohlen (2010); agus bho 1946 a-rèir Peter Flora (2000).

1916 (II) 6,8 % 1919 6,8 % 1923 16,2 % 1927 19,0 % 1931 16,1 % 1933 19,2 % 1934 21,7 % 1937 19,0 % 1942 (I) 15,4 % 1942 (II) 14,2 %

1946 17,8 % 1949 16,5 % 1953 15,6 % 1956 18,3 % 1959 (I) 12,5 % 1959 (II) 15,2 % 1963 14,2 % 1967 15,7 % 1971 10,5 % 1974 9,1 %

1978 22,0 % 1979 17,4 % 1983 11,7 % 1987 15,2 % 1991 15,5 % 1995 11,4 %

Ceanglaichean a-muigh

• Samfylkingin