Norðurland vestra

Norðurland vestra

Suidheachadh
Dùthaich	Innis Tìle
Prìomh-bhaile	Sauðárkrókur
Siorrachdan Traidiseanta	Austur-Húnavatnssýsla, Skagafjarðarsýsla agus Vestur-Húnavatnssýsla
Feartan fiosaigeach
Farsaingeachd	12,737 km²
Àireamh-shluaigh	7,810 (2007)
Dlùths	0.61/km²
Duilleag oifigeil	Norðurland vestra

'S e roinn ann an Innis Tìle a th' ann an Norðurland vestra (Gàidhlig: Tìr an Iar-thuath).^[1] Tha e suidhichte gu math tuath air Reykjavík, eadar Norðurland eystra agus Vesturland. 'S e Sauðárkrókur a th' anns a' bhaile as motha na roinne, far a bheil a cuid rianachd phoblaich suidhichte.^[2]

Eachdraidh

Eadar 965 agus 1874 bhuinneadh Norðurland vestra gu landsfjórðungur (Gàidhlig: Cairteal) air an robh Norðlendingafjórðungur/Eyfirðingafjórðungur còmhla ri pìosan beaga Vesturland.^[3] Chaidh Sgìreachd-easbaig Hólar a stèidheachadh an seo an an 1103. 'S ann aig ìre nam bailtean s' a thathar a' toirt seachad na rianachd phoblaich an latha an-diugh, ged a thathar a' cleachdadh nan roinnean airson anailise stadastaigeil. B' e roinn-phàrlamaid a th' ann an Norðurland vestra gu ruige 2003 cuideachd, nuair a chaidh na sia roinnean-phàrlamaid a th' ann a-nis a stèidheachadh.^[4]

Daoine Ainmeil

Grettir Ásmundarson: (979 - 1031) Duine fon Choill.
Jón Þorláksson: (1877 - 1935): Neach-poileataigs.
Hermann Jónasson (1896 - 1976): Neach-poileataigs.
Ólafur Jóhannesson (1913 - 1984): Neach-poileataigs.
Hannes Pétursson: (1932) Sgrìobhadair.
Ásgeir Trausti: (1992) Ceòladair.

Bailtean

Àireamh-sluaigh

Seo mar a tha àireamh-sluaigh na roinne air atharrachadh fad nam bliadhnaichean agus an taca ris an còrr dhen dùthaich.^[5] 'S e gu bheil dì-dhaoineachadh na trioblaid san roinn. Thuit an uiread dhaoine a tha san roinn an dèidh a' Chogaidh agus an uair sin aig toiseach na 21mh Linn.

Bliadhna	Àireamh-sluaigh	% Nàiseanta
1920	8 636	9.14%
1930	8 000	7.36%
1940	7 665	7.30%
1950	7 340	5.09%
1960	7 561	4.22%
1970	7 748	3.79%
1980	8.628	3.73%
1990	8 631	3.35%
2000	7 873	2.76%
2011	7 393	2.31%