Davíð Oddsson
| Davíð Oddsson | |||||||||||
|---|---|---|---|---|---|---|---|---|---|---|---|
 | |||||||||||
27 dhen Chèitean 1982 - 16 dhen Iuchar 1991 ← Egill Skúli Ingibergsson (en)  - Markús Örn Antonsson (en) →
30 dhen Ghiblean 1991 - 15 dhen t-Sultain 2004 ← Steingrímur Hermannsson - Halldór Ásgrímsson →
1 dhen Dàmhair 1994 - 27 dhen t-Sultain 2005 ← Edvard Júlíus Sólnes (en) - Halldór Ásgrímsson →
15 dhen t-Sultain 2004 - 27 dhen t-Sultain 2005 ← Halldór Ásgrímsson - Geir Hilmar Haarde → | |||||||||||
| Beatha | |||||||||||
| Breith | Reykjavík, 17 dhen Fhaoilleach 1948 | ||||||||||
| Dùthaich |
 Innis Tìle | ||||||||||
| Teaghlach | |||||||||||
| Clann |
liosta
| ||||||||||
| Foghlam | |||||||||||
| Foghlam | Oilthigh Innis Tìle | ||||||||||
| Cànain | Innis Tìlis | ||||||||||
| Dreuchd | |||||||||||
| Dreuchd | neach-poileataigs, dioplomat, sgrìobhadair, neach-lagha, neach-naidheachd, bancair agus bàrd | ||||||||||
| Duaisean a fhuaras | |||||||||||
| Creideamh | |||||||||||
| Pàrtaidh poileataigeach | Sjálfstæðisflokkurinn | ||||||||||
| IMDb | nm1551056 | ||||||||||
.png){kind=small}
'S e bancair, neach-aithris, riochdaire dioplòmasach, neach-lagha, neach-poileataigs agus sgrìobhadair à Innis Tìle a th' ann an Davíð Oddsson (IPA: ˈtaːvið ˈɔtːsɔn).[1] Rugadh e air 17 am Faoilleach 1948 ann an Reykjavík. Fhuair e a chuid foghlaim aig Menntaskólinn í Reykjavík agus Oilthigh Innis Tìle. Chaidh a thaghadh dhan Alþingi airson a' chiad turais ann an 1991. Bha e na fhorsætisráðherra (Gàidhlig: Prìomh-mhinistear) bho 1991 gu ruige 2004 às leth Sjálfstæðisflokkurinn (Gàidhlig: Pàrtaidh na Neo-eisimeileachd), ann an sreath cho-bhannan le Alþýðuflokkurinn agus Framsóknarflokkurinn a mhair 13 bliadhna, an teirm na b'fhaide a fhuair prìomh-mhinistear Innise Tìle a-riamh. A bharrachd air sin, tha e air a bhith na mhinistear an nan Dùthchannan Cèin (2004 - 2005) agus bha e os cionn Seðlabanki Íslands (Gàidhlig: Banca Nàiseanta Innise Tìle) bho 2005 gu ruige 2007.[2] Phòs e aig Ástríður Thorarensen ann an 1970 agus tha mac aca còmhla.[3] Chaidh Oddsson ainmeachadh deasaiche a' phàipear-naidheachd Morgunblaðið ann an 2009. Chaidh an cèol air feadh na fìdhle agus chaill Morgunblaðið mòran luchd-leughaidh air sgàth 's gu robh iomadh daoine dhen bheachd gum foillsicheadh e beachdan nan daoine beartach agus nan companaidhean mòra. Tha e air trì dealbhan-cluiche a sgrìobhadh airson an telebhisein agus dà obair eile airson Companaidh Taigh-cluiche Reykjavík agus an Taigh-cluiche Nàiseanta agus tha e air grunn phrògraman rèidio a stiùireadh airson RÚV. Cuideachd sgrìobh e aiste mun Phrìomhaire Geir Hallgrímsson ann an Andvara ann an 1994. Dh' fhoillsich e cruinneachadh sgeulachdan ann an 1997 air an robh Nokkrir góðir dagar án Guðnýjar[4] agus cruinneachadh eile ann an 2002 air an robh Stolið frá höfundi stafrófsins.
Caibineitean Oddsson
[deasaich | deasaich an tùs]Seo, mar a leanas, liosta nan daoine a ghabh pàirt ann an caibineitean fhad 's a bha Oddsson os cionn an riaghaltais.[5] Bhuinneadh ias uile gu Alþýðuflokkurinn, Framsóknarflokkurinn air neo Sjálfstæðisflokkurinn:
- Davíð Oddsson: Prìomhaire agus Ministear Staitistig
- Jón Baldvin Hannibalsson: Dùthchannan Cèin
- Jón Sigurðsson: Gnìomhachas agus Malairt (gu ruige 14.06.1993)
- Jóhanna Sigurðardóttir: Cùisean Sòisealta (gu ruige 24.06.1994)
- Sighvatur Björgvinsson: Slàinte agus Tèarainteachd Shòisealta (gu ruige 14.06.1993), Gnìomhachas agus Malairt (bho 14.06.1993) agus Slàinte (bho 12.11.1994)
- Þorsteinn Pálsson: Ceartas, Cùisean Eaglaiseil agus Iasgach
- Friðrik Sophusson: Ionmhais
- Ólafur G. Einarsson: Foghlam
- Halldór Blöndal: Còmhdhail agus Àiteachas
- Eiður Guðnason: Àrainneachd (gu ruige 14.06.1993)
- Guðmundur Árni Stefánsson: Slàinte agus Tèarainteachd Shòisealta (bho 14.06.1993 gu ruige 24.06.1994) agus Cùisean Sòisealta (bho 24.06.1994 gu ruige 12.11.1994)
- Össur Skarphéðinsson: Àrainneachd (bho 14.06.1993)
- Rannveig Guðmundsdóttir: Cùisean Sòisealta (bho 12.11.1994)
Iomraidhean
[deasaich | deasaich an tùs]Ceanglaichean a-mach
[deasaich | deasaich an tùs]| Ro-theachdair: Steingrímur Hermannsson (1991) |
Forsætisráðherra |
Neach-ionlaid: Halldór Ásgrímsson (2004) |