Sruighlea

O Uicipeid
Gearr leum gu: seòladh, lorg
Sruighlea
Stirling(DonaldMacDonald)Dec2005.jpg
Suidheachadh
Dùthaich Alba
Ceàrn Siorrachd Sruighlea
Co-chomharran 56° 7′ 2″ Tuath
3° 56′ 23″ Iar
Feartan fiosaigeach
Àireamh-shluaigh 41,243 (2001)
Àireamh fòn 01786
Duilleag oifigeil Comhairle Sruighlea

'S e baile a tha ann an Sruighlea. Tha e suidhichte ri taobh A' Mhonaidh Ochail ann an Alba mheadhanach. Anns na seann linntean bha Sruighlea na phrìomh-bhaile Rìoghachd na h-Alba.

Seann Bhaile Sruighlea[deasaich | deasaich an tùs]

Tha Seann Bhaile Sruighlea suidhichte cruinn timcheall air Sràid Bhràghaid (Broad), Sràid Naomh Eòin (St John's) agus Slighe Naomh Mhoire fo mhùran a' Chaisteil. Tha blas agus coltas baile meadhan-aoiseach gan gleidheadh aige fhathast, le sràidean chlachan càsaichte agus pailteas de sheann dachaighean agus aitreabhan eile, is eachdraidh àraidh aig gach aon dhiubh. Tha taighean-bìdh, bùthan cofaidh, gailearaidhean ealain, taighean-tasgaidh agus taigh-cluiche ann cuideachd.

Balla a' Bhaile[deasaich | deasaich an tùs]

'S e Balla Sruighlea am mùr bhaile as fheàrr a tha a' mairsinn ann an Alba. Chaidh a thogail ann an 1547 mar dhìdean nuair a bha Rìgh Shasainn, Eanraig VIII, ag iarraidh pòsadh a sparradh eadar an leanaban Màiri, banrigh nan Albannach, agus Ìomhair, a mhac. Bha ionnsaighean daonnan gan toirt air Sruighlea, leis gum b' e àite-suidhe na Cùirte Rìoghail a bh' ann.

Tha slighe choisich, air ruith a' bhalla, ainmichte mar an ceum rathaid bailteil as fheàrr san Roinn Eòrpa. Bha i air a dealbhadh timcheall air 1723 agus 1791, agus chithear seallaidhean ceutach bho air a fad agus bhon iomadh suidheachan a tha oirre. 'S i cuairt iomlan a th' anns an t-slighe a ghabhar ruigsinn aig mòran ionadan san t-Seann Bhaile, cho fada ri Guildhall, agus chan eil bacadh mu choinneimh chathraichean-cuibhle no charbadan cloinne.

Daoine cudromach[deasaich | deasaich an tùs]

Rugadh Cathaidh Craigie, neach-poileataigs Albannach san 14 an Giblean 1954 ann an Sruighlea.