Sabhal Mòr Ostaig

O Uicipeid
Gearr leum gu: seòladh, lorg
An togalach ùr

Tha Sabhal Mòr Ostaig 'na colaiste Ghàidhlig na h-Alba agus 'na ionad nàiseanta cànan is cultar na Gàidhlig, stèidhichte ann an Slèite san Eilean Sgitheanach. Aig a' cholaiste, tha Sabhal Mòr Ostaig a' tabhainn chùrsaichean làn-tìde tro mheadhan na Gàidhlig suas gu ìre ceum le urram, tro Sgeama na Gàidhlig aig Oilthigh na Gàidhealtachd agus nan Eilean. Gabhaidh na cùrsaichean sin a dhèanamh pàirt-ùine air astar cuideachd, agus am measg nan cùrsaichean eile air astar tha an Cùrsa Inntrigidh airson luchd-tòiseachaidh na Gàidhlig, an Cùrsa Adhartais a tha aig ìre a' chiad bliadhna oilthigh, agus BSc ann an Cultar Dùthchasach agus Eachdraidh na h-Alba.

Tha iomadh phròiseact eile stèidhte air làraich na Colaiste: an companaidh foillseachaidh Cànan; am pròiseact rannsachaidh Soillse; Lèirsinn; Faclair na Gàidhlig; Ainmean Àite na h-Alba; stiùidio telebhisein. Chuidich SMO ri Ionad Chaluim Chille Ìle a chur air chois agus tha ceanglaichean làidir eadar na colaistean.

Eachdraidh[deasaich | deasaich an tùs]

Dh'fhosgail Sabhal Mòr Ostaig ann an 1973, ann an seann toglaichean tuathanais aig Ostaig ann an Slèite. B' e am prìomh amas leabharlann Gàidhlig a chur air bhonn, ach bha colaiste Ghàidhlig cuideachd san amharc, airson foghlam adhartach agus dreuchdail a thabhainn do luchd-labhairt na Gàidhlig. Bha barrachd is barrachd luchd-ionnsachaidh a' togail ùidh anns a' chànan agus bhiodh cothroman ionnsachaidh ann dhaibhsan cuideachd.

Thòisich a' Cholaiste a' tabhann sgoiltean samhraidh is chlasaichean oidhche sa Ghàidhlig, agus ann an 1983 bha Sabhal Mòr Ostaig deiseil gus a' chiad chùrsa adhartach làn-thìde a thabhann. Chaidh Sabhal Mòr Ostaig sa bhliadhna 1997 'na com-pàirtiche acadaimigeach ann an Institiud OGE na Mìle Bliadhna, agus chinnidh e siud 'na Oilthigh na Gàidhealtachd agus nan Eilean sa bhliadhna 2011.

Thòisich Òraid an t-Sabhail sa bhliadhna 1990, agus tha i air a bhith a’ leantainn cha mhór gach bliadhna bhon uair sin.

Àrainnean[deasaich | deasaich an tùs]

Mapa de Sabhal Mòr Ostaig

Àrainn Ostaig[deasaich | deasaich an tùs]

'S ann an seo a chaidh a' Cholaiste a stèidheachadh an toiseach. Anns a' bhliadhna 1993, chaidh cur ris a' chiad toglaichean cloiche, le àitichean-fuirich, oifisean agus seòmraichean teagaisg.

Àrainn Chaluim Chille[deasaich | deasaich an tùs]

Chaidh Àrainn Chaluim Chille fhosgladh ann an 1999, is i a' leudachadh ghoireasan na Colaiste gu mòr le trì toglaichean: am Prìomh Thogalach; a' Cheàrnag le seòmraichean-cadail; agus an Tùr le seòmraichean-cadail.

Chaidh an togalach ùr Fàs fhosgladh gu h-oifigeil ann an 2008. Tha stiùidio telebhisean ann, ionad cùraim-chloinne (Fàs Mòr), an roinn Foghlam Fad-beatha aig SMO, an companaidh Cànan, am pròiseact Soillse, Lèirsinn, Faclair na Gàidhlig agus Ainmean Àite na h-Alba.

Cùrsaichean Làn-thìde[deasaich | deasaich an tùs]

  • CertHE An Cùrsa Comais
  • CertHE Gàidhlig is Conaltradh
  • DipHE Gàidhlig is Cuspairean Co-cheangailte
  • BA (le Urram) Gàidhlig agus Ceòl Traidiseanta
  • BA (le Urram) Cànan is Cultar na Gàidhlig
  • BA (le Urram) Gàidhlig agus Leasachadh
  • BA (le Urram) Gàidhlig agus na Meadhanan
  • MA (le Urram) Gàidhlig le Foghlam
  • BSc Cultar Dùthchasach agus Eachdraidh na h-Alba
  • Dioplòma anns na Meadhanan Gàidhlig

Muinntir an t-Sabhail[deasaich | deasaich an tùs]

Ceangal a-muigh[deasaich | deasaich an tùs]

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: