Sgùrr na Ciste Duibhe

O Uicipeid
Jump to navigation Jump to search

Co-chomharran: 57°10′48″N 5°20′11″W / 57.18°N 5.3363°W / 57.18; -5.3363

Sgùrr na Ciste Duibhe
Sgurr na Ciste Dhuibhe and Sgurr na Carnach.jpg
Sgùrr na Ciste Duibhe (taobh chlì) le Sgùrr nan Spàinteach bho Shàileag. Sgùrr na Càrnach air an taobh dheis.
Àirde (m) 1,027
Àirde (tr) 3,369
Àirde rinneach (m) 178
air liosta Beinn Rothaich
Suidheachadh
Sgùrr na Ciste Duibhe is located in Alba
Sgùrr na Ciste Duibhe
Sgùrr na Ciste Duibhe (Alba)
Suidheachadh Cinn Tàile
Sreath bheanntan Còig Peathraichean Chinn Tàile
Mapa cumadh-tìre Landranger 33
Explorer 414
Comharradh-clèithe NG984149

’S e beinn ann an Cinn Tàile air a’ Ghàidhealtachd a th’ ann an Sgùrr na Ciste Duibhe. Tha e 1,027m de dh’àirde agus ’s Beinn Rothaich anns an aonach Còig Peathraichean Chinn Tàile a th' ann. Tha e suidhichte eadar Loch Cluanaidh agus Loch Dubhthaich air taobh tuath Gleann Seile. Tha beinn eile ann an Cinn Tàile, a' Chiste Dhubh, agus feumar a bhith faiceallach nach bithear troimh-chèile eadar an dà bheinn.

'S e a' Bheinn Rothaich as fhaide sear de Chòig Peathraichean Chinn Tàile a th' ann, ged a tha mullach eile ann, Sgùrr nan Spàinteach (990m). 'S e bruach a deas na beinne aon de na bruaichean feòir as caise agus as àirde ann an Alba, is e a' cromadh gu bhith 1,000 meatar ann an 1.5km gu Gleann Seile. tha taobh tuath na beinne a' leantainn dhan Choire Dòmhain, agus leanaidh an druim dhan iar dhan ath Bheinn Rothaich, Sgùrr na Càrnach. Leanaidh an druim dhan ear gu Bealach an Lapain agus air adhart gu Sàileag. 'S e an dòigh as cumanta a bhith a' streap na còig beanntan ann an streath bho Bhealach na Lapain gu Allt a' Chruinn.[1] Tha e cuideachd comasach a bhith a' cromadh gu Coire Dòmhain agus Gleann Lic.

Bhon mhullach gheibhear seallaidhean air beanntan Chinn Tàile, Gleann Seile agus Chnòideirt.

Iomraidhean[deasaich | deasaich an tùs]

  1. Sgùrr Fhuaran air Walk Highlands

Ceanglaichean a-mach[deasaich | deasaich an tùs]

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: