A' Chiste Dhubh

O Uicipeid
Jump to navigation Jump to search

Co-chomharran: 57°10′48″N 5°20′11″W / 57.18°N 5.3363°W / 57.18; -5.3363

A' Chiste Dhubh
Ciste Dhubh from Am Bathach.jpg
A' Chiste Dhubh bhon Bathach, 3km san àird a deas.
Àirde (m) 979
Àirde rinneach (m) 388
air liosta Beinn Rothaich
Suidheachadh
Suidheachadh Cinn Tàile
Mapa cumadh-tìre Landranger 33
Explorer 414
Comharradh-clèithe NH062166

’S e beinn ann an Cinn Tàile air a’ Ghàidhealtachd a th’ anns a' Chiste Dhuibh. Tha e 979m de dh’àirde agus ’s Beinn Rothaich a th' ann. Tha e suidhichte eadar Loch Cluanaidh agus Gleann Afraig air taobh tuath Gleann Seile. Tha beinn eile ann an Cinn Tàile, Sgùrr na Ciste Duibhe, agus feumar a bhith faiceallach nach bithear troimh-chèile eadar an dà bheinn.

'S e a' Bheinn Rothaich iomallach a th' ann agus tha e nas fhaide ear na Còig Peathraichean Chinn Tàile agus Druim nam Bràithrean. 'S e an dòigh as cumanta a bhith ga shreap bho Chluainidh tron Chaorainn Bheag agus Bealach a' Chòinnich. 'S fhiach cuideachd dol thairis air a' Bhathach, beinn nas lugha le druim fada feurach[1] Dh'fhaodadh dèanamh air a' mhullach cuideachd bho Ghleann Afraig.

Bhon mhullach gheibhear seallaidhean air beanntan Chinn Tàile, Gleann Seile agus Gleann Afraig.

Iomraidhean[deasaich | deasaich an tùs]

  1. A' Chiste Dhubh air Walk Highlands

Ceanglaichean a-mach[deasaich | deasaich an tùs]

Commons-logo.svg
Tha dealbhan ann an Wikimedia Commons cuideachd a tha ceangailte ris an aiste seo: