Porfirio Barba Jacob

O Uicipeid
Porfirio Barba Jacob
Beatha
Breith Santa Rosa de Osos, 29 dhen Iuchar 1883
Dùthaich  Coloimbia
Bàs Meagsago, 14 dhen Fhaoilleach 1942
Nàdar a’ bhàis adhbharan nàdarra (a' chaitheamh)
Foghlam
Foghlam Universidad Externado de Colombia (en) Translate
Cànain Spàinntis
Dreuchd
Dreuchd bàrd agus sgrìobhadair
Obraichean comharraichte Q123029086 Translate
Far-ainmean Porfirio Barba Jacob, Maín Ximénez agus Ricardo Arenales

B' e ùghdar à Coloimbia a bha ann an Miguel Ángel Osorio Benítez ( Santa Rosa de Osos, 29 an t-Iuchar 1883Meagsago, 14 am Faoilleach 1942). Bha e ainmichte fon ainm-brèige Porfirio Barba Jacob. Rugadh e shuas air a' mhòinteach faisg air Medellín.

Beatha[deasaich | deasaich an tùs]

Rugadh Porfirio Barba Jacob ann an Santa Rosa de Osos, Antioquia, air an 29mh latha dhen Iuchar 1883,[1] agus b’ e mac Antonio María Osorio agus Pastora Benítez a bh’ ann. Thogadh e aig taigh a shean phàrantan ann an Angostura agus ann an 1895 thoisich e taistealachd mhòr agus chaidh e gu iomadh baile ann an Coloimbia agus, bho 1907, gu Aimearaga Mheadhanach agus Na Stàitean Aonaichte. 'S e àite làn chultair na h-Eaglaise Caitligiche a th' ann Santa Rosas de Osos, fiù 's an latha an-diugh.

Ann an dòigh, b’ e taistealachd mhairinneach dhoirbh tro iomadh dùthaich anns Na h-Aimearagan bh’ ann a bheatha. Chuir e seachad greiseag no dhà ann an Guatamala, Honduras, Costa Rica, El Salbhador, Cuba, Pearu agus Meagsago. Bha esan an lùib a h-uile seòrsa foillseachadh litreachail agus poileataigeach.[2] Bha e gu math connspaideach agus gabhadh e a-riamh ri sgannal, rud a thug piseach air eachdraidh a bheatha agus buaidh a chuid bhàrdachd.

B’ e an spiorad allaban, làn pais agus cianalas aige na phàirt chudromach a chuid obrach, a bha cuideachd cho làn cràdh agus sàimh. Bha e cho liriceach ’s a ghabhas agus thuirt Nicolás Bayona Posada gu robh ealain mìorbhaileach aige far a chuireadh e ceòl nan rann agus dràma a chuid smuaintean binnmhoire ùire ri chèile.[3] Chaochail e leis a’ chaitheamh ann an 1942 ann am Meagsago. An ceann ceithir bliadhna, ann an 1946, thug Riaghaltas Choloimbia a chraidhneach air ais dhachaigh.

Ainm[deasaich | deasaich an tùs]

Dh’ atharraich am fìor ainm a bh’ aige - Miguel Ángel Osorio Benítez - gu Ricardo Arenales agus an uair sin gu Porfirio Barba Jacob agus chum e an t-àite ùr gus a chaochail e.[4] Rinn e sin air sàilleabh gu robh fear eile ann air an robh Ricardo Arenales agus bha am fear seo a-riamh ann an trioblaid laghail : ‘s e cùis nàire dhasan a bh’ ann agus bhathar dhen bheachd gur esan fhèin a bh’ ann Ricardo Arenales. Chleachdadh e tòrr ainm-pinn eile cuideachd: Juan Sin Miedo, Juan Sin Tierra, Juan Azteca, Junius Cálifax, Almafuerte agus El Corresponsal Viajero nam measg. Bha e gu math càirdeil ri Porfirio Díaz agus air sgàth sin b' fheudar dha teicheadh bho Ghuatamala ann an 1915.[5]

Co-sheòrsachd[deasaich | deasaich an tùs]

Cha do dh’fhalaich Barba Jacob gu robh e gèidh idir, agus bha sin na trioblaid dha fad a bheatha.[6] Nochd sin airson a’ chiad turais anns an leabhar libro «El hombre que parecía un caballo y otros cuentos», a sgrìobh an t-ùghdar à Guatamala Rafael Arévalo Martínez mu Bharba Jacob ann an 1914. A bharrachd air sin, Sgrìobh an t-ùghdar gèidh Fernando Vallejo[7] mòran mu dheidhinn Bharba Jacob agus a bhuaidh airsan fhèin agus air litreachas ann an Spàinntis.

Iomraidhean[deasaich | deasaich an tùs]

  1. Poemas de Alma
  2. El Triumfo de Arciniegas
  3. El Libro Total
  4. Epdlp
  5. Los Poetas
  6. Banrepcultural
  7. El Espectador