Palencia (provincia)

O Uicipeid
Jump to navigation Jump to search
Palencia
Palencia prov bandera.png Escudo de la Provincia de Palencia.svg
Bratach na Roinne Gearradh-arm
no Seula
Palencia in Spain (plus Canarias).svg
Suidheachadh
Dùthaich An Spàinn
Prìomh-bhaile Palencia
Stèidhichte 1833
Feartan fiosaigeach
Farsaingeachd 8,052 km²
Àireamh-shluaigh 171,668 (2014)
Dlùths 21.32/km²
Àireamh fòn + (979)
Duilleag oifigeil Riaghaltas na Roinne

'S e provincia na Spàinne a tha ann am Palencia (IPA: paˈlenθja). Tha e na laighe ann an Castilla y León, ann an ceann a tuath na dùthcha. 'S e Palencia a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.[1] B' e an siostam-riaghalaidh iondail na Frainge a chleachd e mar mhodal. Chuireadh a-steach Coimhearsnachd fèin-riaghlaidh Chastilla y León i ann an 1978, nuair a sgrìobhadh Bun-reachd ùr.[2] Sìnidh Palencia fad 8,052km²[3] agus tha 171,668 duine a' fuireach ann.[4] Le sin, 's e an 29mh roinn as motha na Spàinne a thaobh talmhainn agus an treas roinn as lugha a thaobh àireimh-sluaigh. Tha crìochain aice le Burgos, Cantàbria, León agus Valladolid.[5] 'S e dìreach Spàinntis a tha ga bruidhinn an seo.

Freumhan an ainm[deasaich | deasaich an tùs]

Tha e coltach gur ann à Pallantia ann an seann Cheiltis a tha an t-ainm, bho pl̥s-n̥t-y-eh2 a tha a' ciallachadh clach no làn (Innd-Eòrpais: *pl̥s-eh2 Farsi: parša, Gearmailtis: fels, Gaeilge: all, Asturianis: palla, gailisis: pala)[6] 'S e an t-seann iar-leasachan Ceilteach -nt a tha aig an deireadh. Bheireadh an t-ainm seo Meall Àrd sa Ghàidhlig an latha na-diugh. Thathar dhen bheachd gur e ainm Ceilteach air sàilleabh gu bheil P ga chumail aig toiseach an fhacail mar Chuimris agus tha an N air fhuaimreagachadh: /*n̥/. Tha cuid eile dhen bheachd gur ann à Pal (loch, abhainn no gleann) agus Antia (farsaing).

Cruinn-eòlas[deasaich | deasaich an tùs]

Tha ceithir iadhtagan ann a bhuineas do Phalencia ann an ceann a tuath na roinneː Berzosilla agus Villodrigo (ann am Burgos), agus Cezura is Lastrilla (ann an Cantàbria).[7] 'S e adhbharan laghail agus poileataigeach a tha as coireach gu bheil iad nan àiteachan fa leth. Chan eil ach glè bheag de dhaoine a' fuireach annta.

Iomraidhean[deasaich | deasaich an tùs]

  1. Ethnoterritorial Concurrence and Imperfect Federalism in Spain
  2. Constitución Española de 1978
  3. Infoalso
  4. Classora
  5. Instituto Geográfico Nacional
  6. Celtiberia
  7. ABC