Palencia

O Uicipeid
Palencia
Bratach a' bhaile Gearradh-arm
no Seula

Suidheachadh
Dùthaich An Spàinn
Ceàrn Palencia
Sgìre Castilla y León
Co-chomharran 42° 01' 00' Tuath
04° 32' 00' Ear
Feartan fiosaigeach
Farsaingeachd 163.59 km²
Àireamh-shluaigh 79,595 (2009)
Dlùths 486.55/km²
Àireamh fòn + 34 979
Duilleag oifigeil Duilleag Oifigeil

’S e baile mòr faisg air Valladolid ann an cridhe na Spàinne a th’ ann am Palencia (IPA: paˈlenθja). Tha e suidhichte aig 749m os cionn ìre na mara, 235km air falbh bho Mhadrid, prìomh-bhaile na Spàinne, agus 561km bho Bharcelona.[1] Tha 79,595 daoine a’ fuireach ann am Palencia.[2] Tha e ainmeil air fad an t-saoghail airson an amar-uisge nan Ròmanach a tha a seo. A bharrachd air sin, ‘s e prìomh-bhaile na Roinne Palencia a th’ann cuideachd.

Freumhan an ainm[deasaich | deasaich an tùs]

Tha e coltach gur ann à Pallantia ann an seann Cheiltis a tha an t-ainm, bho pl̥s-n̥t-y-eh2 a tha a' ciallachadh clach no làn (Innd-Eòrpais: *pl̥s-eh2 Farsi: parša, Gearmailtis: fels, Gaeilge: all, Asturianis: palla, gailisis: pala)[3] 'S e an t-seann iar-leasachan Ceilteach -nt a tha aig an deireadh. Bheireadh an t-ainm seo Meall Àrd sa Ghàidhlig an latha na-diugh. Thathar dhen bheachd gur e ainm Ceilteach air sàilleabh gu bheil P ga chumail aig toiseach an fhacail mar Chuimris agus tha an N air fhuaimreagachadh: /*n̥/. Tha cuid eile dhen bheachd gur ann à Pal (loch, abhainn no gleann) agus Antia (farsaing).

Eachdraidh[deasaich | deasaich an tùs]

B' e na Ceiltich o shean a stèidhich am baile. Chaidh oilthigh a stèidheachadh an seo ann an 1221. Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.[4] Thuit am baile dha na reubaltaich Faisisteach beagan an dèidh an ar-a-maich an aghaidh an Riaghaltais aig toiseach toisichidh Cogadh Sìobhalta na Spàinne ann an 1936.[5]

Cruinn-eòlas[deasaich | deasaich an tùs]

A rèir nam figearan, 's e an t-Iuchar a' mhìos as teotha agus 's e am Faoilleach a' mhìos as fhuaire ann am Palencia.[6] Cha tuit ach 439mm de dh'uisge air a' bhaile fad na bliadhna - 734mm nas lugha na Steòrnabhagh - leis gur e àite uabhasach fhèin àrd tioram a th' ann.

Bailtean Co-cheangailte[deasaich | deasaich an tùs]

Iomraidhean[deasaich | deasaich an tùs]

  1. Distance Calculator
  2. Cunntas-sluaigh na Spàinne
  3. Celtiberia
  4. Ethnoterritorial Concurrence and Imperfect Federalism in Spain
  5. Hurtado V., La Sublevación, 2010, Barcelona: DAU. ISBN 978-84-936625-6-1
  6. Climat Data
  7. La Razón

Ceanglaichean A-mach[deasaich | deasaich an tùs]