Nizhyn
| Nizhyn Ні́жин
| |||||
 | |||||
 | |||||
| Suidheachadh | |||||
| Dùthaich |  An Ucràin | ||||
| Ceàrn |  Chernihivska Oblast | ||||
| Sgìre |  Nizhinskiy Raion | ||||
| Co-chomharran | 51° 03 00' Tuath 31° 53 00' Ear | ||||
| Feartan fiosaigeach | |||||
| Farsaingeachd | 43.2 km² | ||||
| Àireamh-shluaigh | 66,983 (2021) | ||||
| Dlùths | 1,550.53/km² | ||||
| Àireamh fòn | + 380 231 | ||||
| Duilleag oifigeil | Duilleag Oifigeil | ||||
'S e baile meadhanach faisg air Kyiv agus Chernihiv san Ucràin a th' ann an Nizhyn (Ucràinis: Ні́жин, Pòlais: Nieżyn, IPA: ˈn⁽ʲ⁾iʒɪn). Tha e suidhichte ann an ceann a tuath na dùthcha, ri taobh na h-Aibhne Oster, san roinn Chernihivska Oblast. Tha 66,983 duine a' fuireach ann.
Eachdraidh
[deasaich | deasaich an tùs]Chaidh an sgìre far a bheil Nizhyn a chlàradh airson a' chiad turais ann an 1147 ach cha deach am baile fhèin a stèidheachadh ach ann an 1625.[1] B' ann fon Cho-fhlaitheas 's a bha seo. Dh' fhosgladh àrd-sgoil cliùiteach ann an Nizhyn ann an 1820 - air an robh Bezborodko - far an d' fhuair Nikolai Gogol a chuid foghlaim. Ann an 1897 bha 7,361 Iùdhaich a' fuireach ann an Nizhyn, 245% de na daoine air fad. Bha am baile fo sgàile agus fo bhuaidh nan Nàsach eadar 1941 agus 1943 agus mharbh iad gach uile Iùdhach a bhuinneadh dhan bhaile.[2] Ri linn Ionnsaigh na Ruise air an Ucràin ann an 2022, sgaoil feachdan Ruiseanach mèinnean-talmhainn air feadh na sgìre.[3]
Eòlas-sluaigh
[deasaich | deasaich an tùs]A rèir a' Chunntais-shluaigh a rinneadh ann an 2001, 's e Ucràinis a tha a' mhòr-chuid nan daoine ann an Nizhyn a' bruidhinn (89.54%), ged a tha mion-chuid ann le Ruisis cuideachd (8.89%).[4] Ged a bha fàs ann an uiread dhaoine a bha a' fuireach ann an Nizhyn tron 19mh Linn, agus b' e baile mòr fiù's san 17mh Linn a bh' ann, cha b' ann ach àn dèidh An Dàrna Cogaidh a fhuair am baile fàs uabhasach fhèin mòr a thaobh àireimh-shluaigh agus an An t-Aonadh Sobhiatach ga ghnìomhasachadh.[5] A dh'aindeoin sin, tha an uiread dhaoine a tha nan tàmh ann an Nizhyn air thuiteam fad na 21mh Linn.
| 1654 | 1782 | 1833 | 1840 | 1897 | 1926 | 1939 | 1959 | 1970 | 1979 | 1989 | 2001 | 2017 |
|---|---|---|---|---|---|---|---|---|---|---|---|---|
| 11 600 | 11 104 | 13 229 | 18 312 | 32 113 | 37 345 | 39 348 | 46 211 | 56 320 | 69 533 | 80 533 | 76 625 | 71 078 |
Daoine Ainmeil
[deasaich | deasaich an tùs]- Yuri Lysianskyi (1773 - 1837): Seòladair agus taisgealaiche.
- Olha Kholkova (1891 - 1955): Dannsair agus Bean Phablo Phicasso.
- Kateryna Pavlenko (1988): Seinneadair.[6]
