Jóhanna Sigurðardóttir

Jóhanna Sigurðardóttir
Ball an Alþingi Ministear Chùisean Sòisealta 10 dhen Dàmhair 1987 - 24 dhen Ògmhios 1994 ← Alexander Stefánsson (en) - Guðmundur Árni Stefánsson (en) → Ball Pàrlamaid Innise Tìle 2007 - 2009 12 dhen Chèitean 2007 - 25 dhen Ghiblean 2009 Sgìre: Reykjavík a Tuath Taghadh: Taghadh Pàrlamaideach Innise Tìle 2007 Ministear Chùisean Sòisealta 24 dhen Chèitean 2007 - 31 dhen Dùbhlachd 2007 ← Magnús Stefánsson (en) - no value → Ministear nan Sochairean Sòisealta 1 dhen Fhaoilleach 2008 - 1 dhen Ghearran 2009 ← no value - Ásta Ragnheiður Jóhannesdóttir → Prìomh-mhinistear Innise Tìle 1 dhen Ghearran 2009 - 23 dhen Chèitean 2013 ← Geir Hilmar Haarde - Sigmundur Davíð Gunnlaugsson → Ball Pàrlamaid Innise Tìle 2009 - 2013 25 dhen Ghiblean 2009 - 27 dhen Ghiblean 2013 Sgìre: Reykjavík a Tuath Taghadh: Taghadh Pàrlamaideach Innise Tìle 2009
Beatha
Breith	Reykjavík, 4 dhen Dàmhair 1942
Dùthaich	Innis Tìle
Teaghlach
Cèile	Jónína Leósdóttir
Foghlam
Foghlam	Colaiste Malairt Innise Tìle
Cànain	Innis Tìlis
Dreuchd
Dreuchd	neach-poileataigs agus Neach-frithealaidh itealain
Creideamh
Pàrtaidh poileataigeach	Samfylkingin Alþýðuflokkurinn Þjóðvaki – Hreyfing Fólksins
althingi.is…

'S e neach-iomairt nan aonaidhean-ciùird agus neach-poileataigs à Innis Tìle a th' ann an Jóhanna Sigurðardóttir (IPA: ˈjouːhana ˈsɪːɣʏrðarˌtouʰtɪr̥). Rugadh i air 4 an Dàmhair 1942 ann an Reykjavík. Fhuair i a cuid foghlaim aig Sgoil Mhalairt Innise Tìle (Innis-Tìlis: Verzlunarskóli Íslands) agus chuir i seachd bliadhnaichean ag obair ann an Icelandic Airlines, far an robh i na Neach-frithealaidh itealain. B' ann os cionn aonaidhean-ciùird 's a bha i cuideachd. Bha i na cathraiche Flugfreyjufélag Íslands (Gàidhlig: Aonadh Luchd-frithealaidh Itealain Innse Tìle) bho 1966 gu ruige 1969 agus bha i cuideachd os cionn Verslunarmannafélag (Gàidhlig: Aonadh Luchd-obrach Malairt) eadar 1976 agus 1978.

Aig an toiseach toisichidh bhuinneadh i gu Alþýðuflokkurinn ach sgarr iad ann an 1994 agus ghabh i ri Þjóðvaki – Hreyfing Fólksins. Thàinig Alþýðuflokkurinn agus Þjóðvaki – Hreyfing Fólksins ri chèile a-rithist ann an Samfylkingin (Gàidhlig: Caidreachas ann an 2000. Bha Sigurðardóttir na ministear nan sochairean sòisealta dà thuras: eadar 1987 agus 1994 fo Þorsteinn Pálsson, Steingrímur Hermannsson agus Davíð Oddsson agus an uair sin eadar 2009 agus 2013 fo Geir Hilmar Haarde. Bha ise na ball-pàrlamaid bho 1978 gu ruige 2013 agus na forsætis­ráð­herra (Gaidhlig: Prìomh-mhinistear) bho 2009 gu ruige 2013. 'S i a' chiad tè ann an eachdraidh na dùthcha agus a' chiad neach LCDT a bhios na Forsætisráðherra a-riamh. Eadar 1963 agus 1971 b' e ball-pàrlamaid a bh' ann a h-athair, Sigurður Egill Ingimundarson, airson Alþýðuflokkurinn cuideachd. Phòs Sigurðardóttir aig Þorvaldur Steinar Jóhannesson ann an 1970 agus fhuair iad dithis duine-cloinne ri chèile. Dhealaich iad ann an 1987 agus phòs i aig tè air a bheil Jónína Leósdóttir a tha na sgrìobhadair, ann an 2010.

Caibineit Shigurðardóttir

Seo, mar a leanas, liosta nan daoine a ghabh pàirt ann an caibineit fhad 's a bha Sigurðardóttir os cionn an riaghaltais. Bhuinneadh iad uile gu Samfylkingin agus Vinstrihreyfingin - grænt framboð:

• Jóhanna Sigurðardóttir: Prìomhaire
• Steingrímur Jóhann Sigfússon: Ionmhais (gu ruige 31.12.2011), Eaconomaidh is Malairt agus Iasgach agus Àiteachas (bho 31.12.2011 gu ruige 01.09.2012), Cosnadh agus Ùr-ghnàthachadh (bho 01.09.2012)
• Össur Skarphéðinsson: Dùthchannan Cèin
• Kristján L. Möller: Còmhdhail (gu ruige 02.09.2010 - dh'atharraich ainm na ministrealachd air 01.10.2009 Còmhdhail agus Roinnean agus an auair sin bha Kristján os cionn Chòmhdhail agus Roinnean)
• Ögmundur Jónasson: Slàinte gu ruige 01.10.2009, Ceartas agus Còraichean Daonnra, Còmhdhail agus Roinnean bho 01.09.2010 (dh'atharraich ainm na ministrealachd 01.01.2011 Dùthchannan Cèin agus an uair sin bha Ögmundur os cionn Dhùthchannan Cèin)
• Katrín Jakobsdóttir: Foghlam (dh'atharraich ainm na ministrealachd air 01.10.2009 Foghlam agus Cultar agus an uair sin bha Katrín os cionn Foghlam is Cultar)
• Gylfi Magnússon: Malairt gu ruige 02.09.2010 (dh'atharraich ainm na ministrealachd air 01.10.2009 Eaconamaidh agus Malairt agus an uair sin bha Gylfi Eaconamaidh agus Malairt)
• Ragna Árnadóttir: Ceartas gu ruige 02.09 agus Cùisean Eaglaiseil .2010 (dh'atharraich ainm na ministrealachd air 01.10.2009 agus Ceartas is Còraichean Daonnra agus an uair sin bha Ragna os cionn Cheartas is Còraichean Daonnra)
• Jón Bjarnason: Àiteachas agus Iasgach gu ruige 31.12.2011
• Katrín Júlíusdóttir: Gnìomhachas gu ruige 01.09.2012, Ionmhais agus Eaconmaidh bho 01.10.2012
• Árni Páll Árnason: Cùisean Sòisealta agus Tèarainteachd Shòisealta gu ruige 02.09.2010, Eaconmaidh agus Malairt bho 02.09.2010 gu ruige 31.12.2011
• Svandís Svavarsdóttir: Àrainneachd gu ruige 01.09.2012, Àrainneachd agus Stòrasan Nàdarra bho 01.09.2012
• Álfheiður Ingadóttir: Slàinte bho 01.10.2009 gu ruige 02.09.2010
• Guðbjartur Hannesson: Cùisean Sòisealta agus Tèarainteachd Shòisealta agus Slàinte bho 02.09.2010 (dh'atharraich ainm na ministrealachd air 01.01.2011 fo shochairean Sòisealta agus an uair sin bha Guðbjartur os cionn shochairean Sòisealta)
• Oddný G. Harðardóttir: Ionmhais bho 31.12.2011 gu ruige 01.09.2012, Ionmhais agus Eaconmaidh bho 01.09.2012 gu ruige 01.10.2010.

Ceanglaichean a-mach

• Samfylkingin

Ro-Theachdair: Geir Hilmar Haarde (2009)

forsætis­ráð­herra

Neach-ionlaid: Sigmundur Davíð Gunnlaugsson (2013)