Garðabær

Garðabær


	Gearradh-arm no Seula

Suidheachadh

Dùthaich

Innis Tìle

Sgìre

Höfuðborgarsvæðið

Co-chomharran

64° 5' 2 Tuath
21° 55' 3 Iar

Feartan fiosaigeach

Farsaingeachd

76 km²

Àireamh-shluaigh

16,299 (2019)

Dlùths

214.46/km²

Àireamh fòn

+ 354

Duilleag oifigeil

Duilleag Oifigeil

'S e baile air an àirde an iar-dheas Innis Tìle a th' ann an Garðabær (IPA: ˈkarðapair̥). Tha e suidhichte faisg air Reykjavík, aig 42m os cionn ìre na mara,^[1] san roinn Höfuðborgarsvæðið (Roinn a' Phrìomh-bhaile), ri taobh an leth-eilean Bessastaðanes, 55km air falbh bho Selfoss agus 637km bho Egilsstaðir.^[2] Tha 16,299 duine a’ fuireach sa bhaile.^[3] 'S e an còigeamh baile as motha na dùthcha an dèidh Reykjavík, Kópavogur, Hafnarfjörður agus Akureyri 's a th' ann an Garðabær. Tha e a' buntainn dhan sgìre-phàrlamaid Suðvesturkjördæmi.^[4]

Eachdraidh

Chaidh dà thuathanas san sgìre clàraichte san Landnámabók, Vífilsstaðir agus Skúlastaðir.^[5] Thug spùinneadairean às Chosta Bharabarach ionnsaigh air an sgìre ann an 1688 ach dhìon gunnaichean mòra am baile. B' e gu robh na spùinneadairean a' feuchainn ris na daoine a thoirt am brùid is gan reic mar tràillean thall thairis. Tha Àros a' Chinn-suidhe, a chaidh a thogail ann an 1766 agis ris an canar Bessastaðir, suidhichte ann an Garðabær.^[6] Cha robh ach mu 1,000 duine a' fuireach ann an Garðabær aig toiseach na 60an. B' ann an dèidh a' Chogaidh, nuair a dh'fhàg na daoine am fearann airson nam bailtean a thoisich Garðabær ri fhàs, gu seachd-àraidh leis cho faisg air Reykjavík 's a tha e. 'S ann ann an Garðabær 's a tha Bjarni Benediktsson, a bha na Phrìomh-mhinistear Innis Tìle ann an 2017,^[7] a' fuireach ann. A bharrachd air sin, thogadh Guðni Thorlacius Jóhannesson - ceann-suidhe Innise Tìle an seo.^[8]