Seumas Ó Conghaile

Seumas Ó Conghaile
Beatha
Breith	Dùn Èideann, 5 dhen Ògmhios 1868
Dùthaich	Alba
Bàs	Baile Àtha Cliath, 12 dhen Chèitean 1916
Àite-adhlacaidh	Arbour Hill Cemetery (en)
Nàdar a’ bhàis	peanas bàis (leòn peileir)
Teaghlach
Cèile	Lillie Connolly (en)
Clann	liosta Roddy Connolly (en) Nora Connolly O'Brien (en)
Foghlam
Cànain	Esperanto Beurla
Dreuchd
Dreuchd	neach-labhairt Esperanto, neach-poileataigs agus ball aonaidh-chiùird
Seirbheis san arm
Meur an airm	Arm Bhreatainn
Strì	An Cogadh Mòr
Creideamh
Pàrtaidh poileataigeach	Irish Socialist Republican Party (en)

B' e neach-poileataigs Èireannach a bh' ann an Seumas Ó Conghaile, Seumas Connolly no James Connolly ann am Beurla (5 an t-Ògmhios 1868–12 an Cèitean 1916).

Sgeul-bheatha

Rugadh Connolly ann an Dùn Èideann, faisg air Geata nam Bò, anns an sgìre a bha aithnichte mar "Èirinn Bheag". Chaidh a thogail ann an teaghlach Èireannach a bha fìor bhochd. Bha athair ag obair mar cheartair. Dh'fhàg Connolly Sgoil an Naoimh Phàdraig nuair a bha e deich bliadhna a dh'aois, agus fhuair e obair aig pàipear-naidheachd, Evening News. Nuair a bha e ceithir bliadhna deug a dh'aois, ghabh e anns an Arm Bhreatannach agus chaidh a chur a dh'Èirinn. Phòs e ann am Peairt ann an 1890.

As dèidh do Chonnolly an t-arm fhàgail, bha e 'n sàs ann am poileataigs sòisealach ann an Alba. Ann an 1896, dh'imrich e a Bhaile Àtha Cliath agus chuir e air dòigh Pàrtaidh Poballach Sòisealta na h-Èireann.

Chaidh a chur gu bàs as dèidh Ar-a-mach na Càisge, còmhla ri Pàdraig Mac Piarais, Seán Mac Giolla Bhríde agus, daoine eile a bha 'n sàs anns an ar-a-mach.

Buaidh Chonnolly

Ann an Alba, dhrùidh beachdan is beatha Chonnolly gu mòr air Iain MacGilleEathain (1879-1923), neach-poileataigs cliùiteach.

Bha am bàrd Somhairle MacGill-Eain a' toirt spèis mhòr do Chonnolly, mar a chithear anns na dàin aige: "Àird-Mhusaeum na h-Èireann".