Rivera (Huila)

municipality of Colombia
Dùthaich	Coloimbia
Sgìre riaghaltais ionadail	Huila
Domhan-leud is -fhad	2°46′38″N 75°15′19″W
Làrach-lìn	http://www.rivera-huila.gov.co/

'S e baile beag faisg air Elías ann an Huila,^[1] Coloimbia,^[2] a th' ann an Rivera (Seann ainm: San Mateo). Tha e suidhichte 20km air falbh bho Neiva, prìomh-bhaile na roinne, anns na na h-Andes. Tha àirde meadhanach dhe 705m os cionn ìre na mara. 'S e baile le gnàth-shìde theth a th' ann le teodhachd mu 27˚ thar cheann, fad na bliadhna. Chaidh am baile a stèidheachadh ann an 1888.

Freumhan an Ainm

'S e ainm fa leth Spàinntis a th'ann Rivera. B’ e San Mateo a’ chiad ainm a chuireadh air chaidh atharrachadh gu Rivera ann an 1943 nuair a dh’fhàs am baile na bu mhotha agus chaidh a sgaradh bho Neiva fhèin. Chuireadh sloinneadh an sgrìobhadair José Eustasio Rivera air.

Sluagh a' bhaile

Ged a tha 16,684 nan tàmh anns a' bhaile, chan eil ach 8,967 dhuibh a' fuireach anns na sgìrean dùthchasail am broinn crìochan a' bhaile.^[3] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[4] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Taobh chinnidh, ' s e daoine geala a th'ann a' mhòr-chuid dhe na daoine ann an Rivera (is mòran dhuibh mestizos). ‘S e Tùsanaich a th’ann an 0.2% agus tha 0.4% dhe daoine le freumhan ann an Afraga. ' S urrainn dhan 87.1% dhe na daoine ann an Rivera leughadh agus sgrìobhadh. A tuilleadh air sin, tha fòn aig an taigh aig 32.3% dhe na dachannan.^[5]

Fèisean

Thathar a’ cumail am iomadach seòrsa dhe fhèis ann an Rivera. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[6] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Daoine Ainmeil

José Eustasio Rivera (1889–1928): Sàr bhàrd agus sgrìobhadair.

Iomraidhean

Ceanglaichean A-mach

An t-sìde ann an Rivera

Tha dealbhan ann an Wikimedia Commons cuideachd a tha ceangailte ris an aiste seo:

Rivera (Huila)

[1] Riaghaltas na Roinne: Bailtean

[2] Dùthchannan aig SMO

[3] Figearan Oifis a' Chunntas-sluaigh

[4] Cololmbia Virtual

[5] Bileag fhiosrachaidh DANE

[6] Country Studies: Colombia

[1]

[2]

[3]

[4]

[5]

[6]