Rìoghachd Bayern

O Uicipeid
Jump to navigation Jump to search
Rìoghachd Bayern
Königreich Bayern
 Banner of the Holy Roman Emperor (after 1400).svg 18061918 Flag of Germany.svg 
Flag of Bavaria (striped).svg Wappen Deutsches Reich - Koenigreich Bayern (Grosses).png
Bratach na dùthcha Lùireach
Mapa
Kingdom of Bavaria 1815.svg
Fiosrachadh
Bliadhna Tòiseachaidh 1806
Bliadhna mu Dheireadh 1918
Prìomh-Bhaile München
Càna(i)n Oifigeil Gearmailtis
Farsaingeachd 75,865 km2
Àireamh-shluaigh 6,524,372 (1910)
Dlùths 86/km2

B’ e dùthaich mheadhanach neo-eisimeileach ann an ceann a deas na Gearmailt a mhair bho 1806 gu ruige 1918 a bh’ anns an Rìoghachd Bayern (Gearmailtis: Königreich Bayern).[1] B’ e München a bh’ ann prìomh-bhaile na dùthcha agus b' e an Teaghlach uasal Wittlesbach a bha os a cionn.[2] Chruthachadh an Rìoghachd tro Chòrdadh Phressburg,[3] nuair a ghairm Napoleon Bonaparte gur e rìgh an àite diùc a bh' ann ceannard na Prionnsalachd-taghaidh Bayern ri linn atharrachadh mòr a rinn e air structair phoileataigeach na Gearmailt a thaobh Co-chaidreachas na Rèine,[4] an dèidh dha chur às do dh' Ìmpireachd Naomh na Ròimhe. Bha Bayern na ball a' Cho-chaidreachais bho 1806, a' cur 30,000 saighdear gu feachdan a' cho-chaidreachais, gus a chuir i cùl air An Fhraing ann an 1813 agus ghabh i thairis air Àrd-Dhiùcachd Frankfurt. Chaill Bayern fearann ann an Tyrol agus Voralberg dhan Ostair tro Chòrdadh Pharis (1815),[5] ach fhuaireadh Aschaffenburg) agus sgìre neo dhà ann an Hesse-Darmstadt nan àite. Mhair an stàit seo mar sgìre fad Ìmpireachd na Gearmailte (1871 – 1918). Thug Ar-a-mach na Gearmailt buaidh mhòr air Bayern agus leig an Righ Ludwig III dheth an crùn. Chaidh poblachd, a bhuineadh dhan Phoblachd Weimar fhèin, a stèidheachadh na h-àite.[6]

Rìghrean[deasaich | deasaich an tùs]

  • Maximilian I. Joseph, 1806 – 1825
  • Ludwig I. 1825 – 1848
  • Maximilian II. Joseph 1848 – 1864
  • Ludwig II., 1864 – 1886
  • Otto I., 1886 – 1916 (tàinistearan: Luitpold, 1886 – 1912, Ludwig III, 1912 – 1913
  • Ludwig III. 1913 – 1918

Bailtean Eile[deasaich | deasaich an tùs]

Iomraidhean[deasaich | deasaich an tùs]

  1. Almanach de Gotha
  2. Almanach de Gotha
  3. Joseph Engel et Ernst Walter Zeeden, Grosser Historischer Weltatlas. Drittter Teil. Neuzeit, Bayerischer Schulbuch-Verlag, 1981, 3762760217
  4. Napoleon
  5. Victorian Web
  6. Lucha de Clases