Prionnsalachd Waldeck-Prymont

Prionnsalachd Waldeck-Prymont Fürstentum Waldeck-Prymont
←  1712–1918  → Bratach na dùthcha Gearradh-arm
Mapa
Fiosrachadh
Bliadhna Tòiseachaidh	1712
Bliadhna mu Dheireadh	1918
Prìomh-Bhaile	Arolsen
Càna(i)n Oifigeil	Gearmailtis
Farsaingeachd	1,121 km2
Àireamh-shluaigh	61,707 (1910)
Dlùths	55.05/km2

B’ e meanbh-dùthaich neo-eisimeileach ann an cridhe na Gearmailt a mhair bho 1712 gu ruige 1918 a bh’ ann am Prionnsalachd Waldeck-Prymont neo Prionnsalachd Waldeck (Gearmailtis: Fürstentum Waldeck-Prymont neo Fürstentum Waldeck). B’ e Arolsen a bh’ ann prìomh-bhaile na dùthcha agus b' e an Teaghlach uasal Waldeck a bha os a cionn. Chaidh a' Phrionnsalachd a chruthachadh ann an 1712 nuair a dh'àrdachadh an Diùc gu Prionnsa. Bha Waldeck na ball Co-chaidreachas na Rèine, bho 1806 gu ruige 1815, an dèidh do Napoleon Bonaparte chur às do dh' Ìmpireachd Naomh na Ròimhe. Chuir Waldeck dìreach 400 saighdear gu feachdan a' cho-chaidreachais. Chaidh Prymont a sgaradh bho Waldeck fad ochd bliadhanaichean, bho 1807 gu ruige 1813. Mhair an stàit seo mar sgìre fad Ìmpireachd na Gearmailte (1871 – 1918). Thug Ar-a-mach na Gearmailt buaidh mhòr air Waldeck-Prymont agus leig am Prionnsa Freidrich dheth an crùn. Chaidh poblachd, a bhuineadh dhan Phoblachd Weimar fhèin, a stèidheachadh na h-àite. B' e Arolsen a bh' annprìomh-bhaile na dùthcha.

Ceannardan

• 1712 – 1728: Friedrich Anton Ulrich
• 1728 – 1763: Karl August Friedrich
• 1763 – 1812: Friedrich Karl August
• 1812 – 1813: Georg I. (1805 – 1812 na Phrionnsa Waldeck agus Pyrmont fa-leth)
• 1813 – 1845: Georg II. Heinrich
• 1845 – 1893: Georg Victor
• 1893 – 1918: Friedrich