Buga

Buga


Bratach a' bhaile	Gearradh-arm no Seula

Mapa a' bhaile

Sealladh air a' bhaile

Suidheachadh

Dùthaich

Coloimbia

Roinn

Valle del Cauca

Àirde

969m

Co-chomharran

03° 54′ Tuath
76° 18′ Iar

Feartan fiosaigeach

Farsaingeachd

832 km²

Àireamh-shluaigh

116,893 (2005)

Dlùths

140.5/km²

Duilleag oifigeil

Riaghaltas Bhuga

'S e baile meadhanach ann am Valle del Cauca (Roinn), ann an Coloimbia^[1] a th' ann am Buga neo Guadalajara de Buga. Tha e suidhichte aig àirde dhe 969m os cionn ìre na mara 67km air falbh bho Chali, prìomh-bhaile na roinne, agus 445km bho Bhogotá. 'S e Buga an 44mh baile as motha na dùthcha.^[2] Chaidh am baile a steidheachahd ann an 1555.

Freumhan an Ainm

Mar a b'àbhaist ann an Aimearaga, chruthachadh na Spàinntich ainmean-àite le freumhan anns na creideamhan aca neo mar chuimhne air àiteachan agus daoine ainmeil thall anns an Spàinn: m.e. Sante Fe de Bogotá, San Bonifacio de Ibagué agus Santiago de Cali.^[3] Mar sin, fhuair am baile an t-ainm Guadalajara bhon a' bhaile leis an aon ainm ann An Spàinn. 'S ann às an ainm Arabais 'wād al-ḥaŷara (واد الحجرة neo وادي الحجرة) a tha Guadalajara agus tha e a' ciallachadh Abhainn na Clachan. Tha na h-ùghdarrsan a'creidsinn gur e ainm Tùsanach a th'ann an eilimeid Buga, oir bha tuathan Carib nan tàmh an seo ro ruigheachd nan Spàinnteach. A bharrachd air sin, tha tòrr àite ris an canar Buga ri fhaicinn air feadh A' Chairibìan.^[4]

Sluagh a' bhaile

Ged a tha 116,893 nan tàmh anns a' bhaile, chan eil ach 17,000 dhuibh a' fuireach anns na sgìrean dùthchasail am broinn crìochan a' bhaile.^[5] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[6] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e Daoine geala/mestizos a th'ann a' mhòr-chuid dhe na daoine ann am Buga. A bharrachd air sin. ‘s e Tùsanaich a th’ann 0.1% agus tha 8.2% dhe daoine le freumhan ann an Afraga. ' S urrainn dhan 93.9% dhe na daoine ann an Buga leughadh agus sgrìobhadh. A tuilleadh air sin, tha fòn aig an taigh aig 63.5% dhe na dachannan.^[7]

Fèisean

Thathar a’ cumail am iomadach seòrsa dhe fhèis ann an Buga. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[8] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Daoine Ainmeil

Manuel Antonio Sanclemente: Ceann-Suidhe na dùthcha eadar 1898 agus 1900.

Eliseo Payán: Ceann-Suidhe na dùthcha ann an 1887.

Bailtean Ceangailte

Guadalajara, ann An Spàinn.

Iomraidhean

Ceanglaichean A-mach

An t-sìde ann am Buga

Tha dealbhan ann an Wikimedia Commons cuideachd a tha ceangailte ris an aiste seo:

Buga

[1] Dùthchannan aig SMO

[2] Bailtean as motha na dùthcha

[3] Toponimia

[4] Fiosrachadh a' Chomhairle^{[dead link]}

[5] Figearan Oifis a' Chunntas-sluaigh

[6] Cololmbia Virtual

[7] Bileag fhiosrachaidh DANE

[8] Country Studies: Colombia

[1]

[2]

[3]

[4]

[5]

[6]

[7]

[8]