Blà Bheinn

O Uicipeid
Blà Bheinn

Blàbheinn (làimh chlì), a' Chlach Glas & Garbheinn bho Chille Bhrìghde
Àirde (m) 928
Àirde (tr) 3,044
air liosta Beinn Rothaich
Suidheachadh
Blà Bheinn is located in Alba
Blà Bheinn
Blà Bheinn (Alba)
Suidheachadh An t-Eilean Sgitheanach
Mapa cumadh-tìre Landranger 32
Comharradh-clèithe NG52992174

'S e beinn anns a' Chuiltheann anns an Eilean Sgitheanach a tha ann am Blà Bheinn. Tha i 928 m a dh'àirde agus 's e an aon Bheinn Rothaich anns a' Chuiltheann nach eil na phàirt de dhruim a' Chuilthinn, ach tha i mu a choinneamh air taobh eile Gleann Sligeachain. Tha dà mhullach oirre agus tha ceum cumhang gan ceangal ri chèile.

'S e measgachadh de chànanan a th' anns an ainm. Tha bla a' tighinn bhon t-Seann-Lochlannais, agus a' ciallachadh gorm. Chan eil e ceangailte ris an fhacal blàth sa Ghàidhlig.[1] 'S e eileamaid Ghàidhlig a th' anns a' bheinn, ach tha òrdugh nam facal a' sealltainn gum b' àbhaist fjell a bhith air a' phìos sin den ainm.

Tha iomadh slighe a' toirt sreapadairean dhan mhullach, ach 's e an dòigh as cumanta a bhith a' leanainn a' cheuma gu ruige Coire Uaigneich bho thaobh an iar, far a bheil ceum math. An uair sin chan eil an t-slighe cho follaiseach, ach leanaidh e suas a' bheinn bhon ear-dheas tro chreagan is sgàirneach. Tha iomadh slighe sreap air gach taobh den cheum. Bidh cuid ga cheangal le Clach Glas agus Sgùrr nan Each.

Gheibhear sàr sheallaidhean den Chuiltheann bho mhullach Bhlà Bheinn.

Ceanglaichean a-mach[deasaich | deasaich an tùs]

  • Iomraidhean nam mapaichean airson comharradh-clèithe: NG 531 217

Iomraidhean[deasaich | deasaich an tùs]

  1. Drummond, Peter, 1991: Scottish Hill and Mountain Names, d. 78.