Zipaquirá

O Uicipeid
Gearr leum gu: seòladh, lorg
Zipaquirá
Flag of Zipaquirá.svg Escudo de Zipaquira.svg
Bratach a' bhaile Gearradh-arm
no Seula
Mapa a' bhaile
Colombia - Cundinamarca - Zipaquira.svg
Sealladh air a' bhaile
Zipa Plaza.jpg
Suidheachadh
Dùthaich Flag of Colombia.svg Coloimbia
Roinn Flag of Cundinamarca.svg Cundinamarca
Sgìre Sabana Centro
Àirde 2650m
Teodhachd 14˚
Co-chomharran 05° 01' 42' Tuath
74° 03' 30' Iar
Feartan fiosaigeach
Farsaingeachd 197 km²
Àireamh-shluaigh 101,551 (2005)
Dlùths 515.49/km²
Duilleag oifigeil Comhairle a’ Bhaile

‘S e baile meadhanach ann an Cundinamarca,[1] Coloimbia,[2] a th’ann Zipaquirá. Tha e suidhichte ann am meadhan na dùthcha aig 2,650m os cionn ìre na mara agus aig astar dhe 47km bho Bhogotá. ‘ S e baile le clìomaid carran fuar a th’ann agus tha teodhachd meadhanach dhe 14˚ aige, rè na bliadhna. 'S e Zipaquirá an 45mh baile as motha na dùthcha.[3] Chaidh am baile a steidheachadh ann an 1600.

Freumhan an Ainm[deasaich | deasaich an tùs]

'S e ainm Tùsanach a th'ann Zipaquirá. Thathar a' creidsinn gu bheil e a' ciallachadh Baile an Rìgh ann an Chibcha, bho Zipa neo Rìgh.[4] 'S e eileamaid gu math cummanta ann an ainmean-àite na sgìre seo a th'ann am facal Zipa. Tha feadhainn eile a' smaoineachadh gur e Chicachica an t-seann ainm aige, a tha a' ciallachadh Cas ar Dalta, neo fiù's Chipaquicha, Cas ar n-Athar.[5]

Sluagh a' bhaile[deasaich | deasaich an tùs]

Tha 101,551 nan tàmh anns a' bhaile fa leth, ach chan eil ach 13,024 dhuibh a’ fuireach thall anns na sgìrean dùthchasail am broinn crìochan a' bhaile.[6] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.[7] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th'ann a' mhòr-chuid dhe na daoine ann an Zipaquirá, ach tha 0.6% dhe Tùsanaich agus 0.5% dhe daoine le freumhan ann an Afraga. ' S urrainn dhan 94.7% dhe na daoine ann an Zipaquirá leughadh agus sgrìobhadh. A tuilleadh air sin, chan eil fòn aig an taigh aig 46.1% dhe na dachannan.[8]

Fèisean[deasaich | deasaich an tùs]

Thathar a’ cumail am iomadach seòrsa dhe fhèis ann an Zipaquirá. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,[9] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Daoine Ainmeil[deasaich | deasaich an tùs]

Santiago Pérez de Manosalbas (18301900): Ceann-suidhe na dùthcha eadar 1874 agus 1876.

Iomraidhean[deasaich | deasaich an tùs]

  1. Mapa na Roinne
  2. Dùthchannan aig SMO
  3. Bailtean as motha na dùthcha
  4. Fiosrachadh a' Chomhairle
  5. En Zipaquira
  6. Figearan Oifis a' Chunntas-sluaigh
  7. Colombia Virtual
  8. Bileag fhiosrachaidh DANE
  9. Country Studies: Colombia

Ceanglaichean A-mach[deasaich | deasaich an tùs]

An t-sìde ann an Zipaquirá