Julie Fowlis
'S e bean-òranaiche à Uibhist a Tuath, Alba a tha ann an Julie Fowlis. Tha i a' seinn anns a' Ghàidhlig. Tha ceithir clàir a-nis aig Julie Fowlis; "Mar a tha mo chridhe", "Cuilidh" "Lon-dubh/Blackbird" agus "Uam". Tha i cuideachd air an clàr "Dual" a dhèanamh còmhla ri Eamon Doorley, Muireann Nic Amhlaoibh agus Ross Martin.
Sheinn ise anns a' phrògram "Later with Jools" air an 25mh an Cèitean 2007, agus 's toil le Björk 's Phil Selway (bhon chòmhlan-ciùil Radiohead) Julie Fowlis.
Tha i pòsta aig Éamon Doorley, fìdhlear o Danú, còmhlan-ciùil Èireannach.
Bhuannaich i an Horizon Award anns a' bhliadhna 2006.
Tha i a' seinn agus a' cluich còmhla ris a' chòmhlan-ciùil Dòchas ann an Alba. Tha da chlàr aca an-dràsta, "Dòchas" agus "An Dàrna Umhail". Tha iad a-nis ag obair air an treas fhear.
